អាជ្ញាធរអាកាសចរណ៍ស៊ីវិលស៊ីរី បានប្រកាសកាលពីថ្ងៃអង្គារថា អ្នកដំណើរចំនួន ១៦០.០០០ នាក់ បានឆ្លងកាត់អាកាសយានដ្ឋានអន្តរជាតិ Damascus ក្នុងខែតុលា ខណៈដែលប្រទេសនេះ កំពុងស្តារឡើងវិញបន្ទាប់ពីសង្គ្រាមស៊ីវិល។

អាជ្ញាធរបានកត់ត្រាជើងហោះហើរសរុបចំនួន ៨២៨ ក្នុងខែតុលា ដែលរួមមានការចេញដំណើរចំនួន ៨៤.៩៦៥ និងការមកដល់ចំនួន ៧៧.០៧៦។ បច្ចុប្បន្ននេះ ក្រុមហ៊ុនអាកាសចរណ៍ចំនួន ១៥ កំពុងប្រតិបត្តិការ នៅអាកាសយានដ្ឋាននេះ ហើយទិដ្ឋាការចំនួន ៤.៩៦៤ ត្រូវបានចេញឲ្យអ្នកដំណើរ នៅពេលមកដល់ក្នុងអំឡុងពេលដូចគ្នា។

ជើងហោះហើរចំនួន ៨២៨ រួមមានជើងហោះហើរអ្នកដំណើរចំនួន ៨០១ ជើងហោះហើរការទូតចំនួន ២០ និងជើងហោះហើរឯកជនចំនួន ៧។

យោងតាមទីភ្នាក់ងារសារព័ត៌មាន SANA ទិន្នន័យនេះ សង្កត់ធ្ងន់លើកិច្ចខិតខំប្រឹងប្រែង ដើម្បីធ្វើឲ្យវិស័យដឹកជញ្ជូនតាមផ្លូវអាកាសរបស់ប្រទេសស៊ីរី មានដំណើរការឡើងវិញ និងបង្កើនសេវាកម្មរបស់អាកាសយានដ្ឋាន ដែលជាផ្នែកមួយនៃផែនការជាតិ ក្នុងការកែលម្អការទំនាក់ទំនង និងសមត្ថភាពប្រតិបត្តិការ។

អាកាសយានដ្ឋានអន្តរជាតិ Damascus ដែលមានទីតាំងនៅភាគខាងត្បូងនៃរដ្ឋធានីនេះ បានឃើញ សកម្មភាពហោះហើរ ដំណើរការឡើងវិញជាបណ្តើរៗ បន្ទាប់ពីការដួលរលំនៃរបបរបស់លោក បាសា អាល់អាសាដ (Bashar al-Assad) ក្នុងខែធ្នូ ឆ្នាំ ២០២៤៕