នគរបាល បានបង្កើនវិធានការសន្តិសុខនៅទូទាំងរដ្ឋធានីជាច្រើន ក្នុងប្រទេសឥណ្ឌា បន្ទាប់ពីការផ្ទុះរថយន្តស្លាប់មនុស្សក្នុងរដ្ឋធានីញូវដែល្លី កាលពីថ្ងៃចន្ទ ដែលបានសម្លាប់មនុស្សយ៉ាងហោច ៨នាក់ និងមនុស្ស ២០នាក់ផ្សេងទៀត រងរបួស ។

នគរបាលនៅទីក្រុង Lucknow, Dehradun, Srinagar, Jammu និងទីក្រុង Tirupur បានបង្កើនការត្រួតពិនិត្យ ឆែកឆេររថយន្ត បង្កើនការល្បាតនៅតាមផ្សារទំនើប ផ្សារ និងមជ្ឈមណ្ឌលដឹកជញ្ជូន ។

ក្រុមមន្រ្តីនៅទីក្រុង Lucknow និយាយថា ទីក្រុងមួយនេះ ស្ថិតក្រោមការប្រុងជើងការខ្ពស់ ជាមួយនឹងការឆែកឆេររថយន្ត និងរុករកនៅតាមទីតាំងយុទ្ធសាស្រ្តជាច្រើនកន្លែងទៀត ។

នៅទីក្រុង Dehradun នគរបាលនិយាយថា ក្រុមការងារត្រូវបានដាក់ពង្រាយនៅតាមតំបន់មានមនុស្សច្រើនកុះករ រួមទាំងនៅតាមស្ថានីយរថភ្លើង និងស្ថានីយរថយន្តក្រុង ហើយនិងតំបន់ VIP ខណៈកងកម្លាំងសន្តិសុខនៅដែនដីចាមមូ និងកាស្មៀរ បង្កើនការឆែកឆេរនៅតាមផ្លូវ និងត្រួតពិនិត្យរថយន្តធំ និងរថយន្តតូច ។

នគរបាល បានបើកករណីមួយនេះ ក្រោមច្បាប់ប្រឆាំងភេរវកម្មរបស់ឥណ្ឌា និងរឹតបន្តឹងវិធានការនៅជុំវិញទីតាំងសំខាន់ៗ ស្របពេលដែលការស៊ើបអង្កេត កំពុងបន្ត ៕