ប្រភពទឹកប៉ាឡេស្ទីនត្រូវបានវាយប្រហារជាង ២៥០លើក ក្នុងរយៈពេល ៥ឆ្នាំ កន្លងមក ដោយបុគ្គលិកយោធា និងអ្នកតាំងលំនៅឋានអ៊ីស្រាអែល។

ការស្រាវជ្រាវថ្មីដែលបានចេញផ្សាយដោយវិទ្យាស្ថានប៉ាស៊ីហ្វិកដែលមានមូលដ្ឋាននៅរដ្ឋកាលីហ្វ័រនីញ៉ាបានរកឃើញថា ហេដ្ឋារចនាសម្ព័ន្ធទឹកនៅក្នុងតំបន់ហ្កាហ្សា និងតំបន់វេសបែង ត្រូវបានគេវាយប្រហារដោយគ្រាប់បែក និងគ្រឿងចក្រចំនួន ៩០លើក ចាប់តាំងពីខែមករា ឆ្នាំ ២០២៤ ហើយក៏បានកំណត់អត្តសញ្ញាណករណីពុលផងដែរ។

កងកម្លាំងអ៊ីស្រាអែល ត្រូវបានកត់ត្រាថា បានវាយប្រហារប្រជាជនប៉ាឡេស្ទីនដែលកំពុងព្យាយាមដងទឹកជាច្រើនលើកច្រើនសារ ក្នុងនោះ មនុស្ស ៨នាក់ ត្រូវបានសម្លាប់ដោយការបាញ់ប្រហារពីអ្នកបាញ់ស៊ីប ក្នុងខែកុម្ភៈ ឆ្នាំ ២០២៤ និងការវាយប្រហារតាមអាកាសជាបន្តបន្ទាប់នៅតំបន់ហ្កាហ្សា ក្នុងខែមេសា ឆ្នាំនេះ ដែលបានវាយប្រហារលើសាលារៀនពីរកន្លែង បណ្តាលឲ្យមនុស្សយ៉ាងហោចណាស់ ១០០ នាក់ រងរបួស និងបំផ្លាញបង្គន់សាធារណៈជាច្រើន និងរោងចក្រផលិតទឹកស្អាត។

ប្រហែល ៩០ភាគរយនៃហេដ្ឋារចនាសម្ព័ន្ធទឹកទាំងអស់ នៅក្នុងតំបន់ហ្កាហ្សា ត្រូវបានខូចខាត ឬបំផ្លាញដោយអ៊ីស្រាអែល ក្នុងរយៈពេល ពីរឆ្នាំ ចុងក្រោយនេះ ដោយយោធាអ៊ីស្រាអែល ក៏បានរារាំងមិនឲ្យចូលទៅកាន់តំបន់ជាច្រើន ដែលនៅមានទឹកស្អាតផងដែរ។

កាលពីខែកក្កដា ជនជាតិប៉ាឡេស្ទីនចំនួន ១០ នាក់ ត្រូវបានសម្លាប់នៅជំរំជនភៀសខ្លួន Nuseirat ក្នុងតំបន់ហ្កាហ្សា ក្នុងកុមារ ៦នាក់ និង ១៦ នាក់ផ្សេងទៀត បានរងរបួស ខណៈពេលកំពុងរង់ចាំទទួលទឹកនៅកន្លែងចែកចាយ៕