​​អ៊ីរ៉ង់៖ រដ្ឋមន្ត្រីការបរទេស​អ៊ីរ៉ង់លោក Hossein Amir-Abdollahian បាន​និយាយ​ថា កិច្ចព្រមព្រៀង​មួយ​ដើម្បី​ស្ដារ​ឡើង​វិញ​នូវ​កិច្ចព្រមព្រៀង​នុយក្លេអ៊ែរ​ឆ្នាំ២០១៥ អាច​នឹង​សម្រេច​បាន​ឆាប់ៗ​នេះ បើ​ភាគី​អាមេរិក ​និង​អឺរ៉ុប​យកចិត្តទុកដាក់​ ចំពោះ​ការ​វិល​ត្រឡប់​ទៅ​រក​ការ​អនុវត្តន៍​កិច្ចព្រមព្រៀង​នេះ​ឲ្យ​បាន​ពេញលេញ​។​

​ថ្លែង​នៅ​ក្នុង​សន្និសីទ​សារព័ត៌មាន​រួមគ្នា​មួយ​ជាមួយ​រដ្ឋមន្ត្រីការបរទេស និង​រដ្ឋមន្ត្រី​ការពារ​ជាតិ​អៀរ​ឡង់​លោក Simon Coveney ដែល​បាន​ទៅ​ទស្សនកិច្ច​នៅ​ប្រទេស​អ៊ីរ៉ង់ អ្នកការទូត​ជាន់ខ្ពស់​របស់​អ៊ីរ៉ង់​បាន​ចោទប្រកាន់​ភាគី​លោក​ខាង​លិច ​ពី​បទ​រំខាន​ដល់​ការពិភាក្សា និង​ប្រឡែង​លេង​នឹង​ពេល​វេលា​។ ដោយ​សំដៅ​ទៅលើ​ឈ្មោះ​ផ្លូវការ ​របស់​កិច្ចព្រមព្រៀង​ផែនការ​សកម្មភាព​រួម​គ្រប់​ជ្រុងជ្រោយ លោក​ថា យើង​ជឿជាក់ថា ប្រសិនបើ​ភាគី​អាមេរិក និង​ប្រទេស​ទាំង ៣ ​របស់​អឺរ៉ុបយកចិត្តទុកដាក់​ក្នុង​ការ​វិលត្រឡប់​ ទៅ​រក​ការអនុវត្ត​ពេញលេញ​នៃ​ការ​ប្តេជ្ញា​ចិត្ត​របស់​ពួកគេ ជា​កិច្ចព្រមព្រៀង​ផែនការ​សកម្មភាព​រួម​គ្រប់​ជ្រុងជ្រោយ (JCPOA) ដែល​ទទួល​បាន​កិច្ចព្រមព្រៀង​ដ៏​ល្អនឹង​អាច​ធ្វើ​ទៅ​បាន​ក្នុង​រយៈពេល​ខ្លី។

កាលពី​ថ្ងៃ​ចន្ទ ប្រទេស​អ៊ីរ៉ង់​បាន​និយាយ​ថា កិច្ចព្រមព្រៀង​ក្នុង​ការ​ស្រោចស្រង់​កិច្ចព្រមព្រៀង​នុយក្លេអ៊ែរ​ឆ្នាំ២០១៥​ ជាមួយ​មហាអំណាច​ពិភពលោក​នឹង​សម្រេច​បាន​ឆាប់ៗ តែ​ត្រូវ​ដក​ទណ្ឌកម្ម​ដោយ​ពិតប្រាកដតាមរយៈ​ការចរចា​នានា ​នៅ​ទីក្រុង​វី​យែ​នរបស់​ប្រទេស​អូទ្រីស​៕

អត្ថបទ៖ សុខមាន