ក្រសួងការពារជាតិរបស់ប្រទេសនេះ បាននិយាយនៅថ្ងៃព្រហស្បតិ៍នេះថា ការរំពឹងទុកចម្បងរបស់ទួរ ពីកម្លាំងរក្សាស្ថិរភាពអន្តរជាតិ ដែលបានគ្រោងទុកសម្រាប់តំបន់ហ្កាហ្សា គឺត្រូវផ្តល់ការធានាថា បទឈប់បាញ់ដ៏ផុយស្រួយនេះ នឹងមានរយៈពេលយូរអង្វែង។ 

ប្រទេសទួរគីដែលជាសមាជិកអង្គការណាតូ គឺជាអ្នករិះគន់ដ៏ខ្លាំងក្លាបំផុតចំពោះការវាយប្រហារដ៏សាហាវ  រយៈពេលពីរឆ្នាំរបស់អ៊ីស្រាអែលលើតំបន់ហ្កាហ្សា ដោយហៅវាថា ជាអំពើប្រល័យពូជសាសន៍។ លោកបានលេចចេញជាអ្នកដើរតួ និងជាអ្នកសម្របសម្រួលដ៏សំខាន់មួយ នៅក្នុងកិច្ចខិតខំប្រឹងប្រែងបទឈប់បាញ់ ដោយបង្ហាញពីបំណងប្រាថ្នាចង់ចូលរួមជាមួយកម្លាំងរក្សាស្ថិរភាព ទោះបីជាមានការជំទាស់ម្តងហើយម្តងទៀតរបស់អ៊ីស្រាអែលក៏ដោយ។

នៅក្នុងសន្និសីទសារព័ត៌មានមួយនៅទីក្រុងអង់ការ៉ា ក្រសួងក៏បាននិយាយផងដែរថា ទួរគី ជឿជាក់ថា មជ្ឈមណ្ឌលសម្របសម្រួលស៊ីវិល-យោធា (CMCC) ដែលដឹកនាំដោយសហរដ្ឋអាមេរិក ត្រូវតែធានាការដឹកជញ្ជូនជំនួយមនុស្សធម៌ដោយគ្មានការរារាំងទៅកាន់ហ្កាហ្សា ស្របតាមច្បាប់អន្តរជាតិ៕