បណ្ដាបុគ្គលិកសហព័ន្ធបានវិលត្រឡប់ទៅធ្វើការរបស់ពួកគេវិញនៅទីក្រុងវ៉ាស៊ីនតោនឌីស៊ីកាលពីថ្ងៃព្រហស្បតិ៍ បន្ទាប់ពីការបិទរដ្ឋាភិបាលយូរបំផុតក្នុងប្រវត្តិសាស្ត្រសហរដ្ឋអាមេរិក។ ការបិទនេះបានបង្ខំឱ្យបុគ្គលិកជាង១ លាននាក់មិនទទួលបានប្រាក់ខែអស់រយៈពេលជាងមួយខែ និងបានកាត់បន្ថយជំនួយស្បៀងអាហារដល់ជនជាតិអាមេរិកដែលខ្វះខាត។ 

ការបិទរយៈពេលជាង៤០ថ្ងៃនេះក៏បានរំខានដល់ចរាចរណ៍ផ្លូវអាកាសផងដែរ។ ប៉ុន្តែនៅថ្ងៃព្រហស្បតិ៍ ក្រុមអ្នកដំណើរនៅអាកាសយានដ្ឋានជាតិ Reagan មានសុទិដ្ឋិនិយមដោយប្រុងប្រយ័ត្ន ។ពួកគេថា ថ្ងៃនេះមានការពន្យារពេល៤៥ នាទី ប៉ុន្តែមិនមានបញ្ហាអ្វីចំពោះពួកគេនោះទេ។

អ្នកដំណើរម្នាក់បាននិយាយថា សារមន្ទីរមួយចំនួនតាមបណ្តោយឧស្យាន National Mall បើកឡើងវិញនៅថ្ងៃសុក្រនេះ ហើយក្រសួងកសិកម្មបាននិយាយថា រដ្ឋនានានឹងទទួលបានមូលនិធិពេញលេញសម្រាប់កម្មវិធីស្បៀងអាហារ SNAP ក្នុងរយៈពេល ២៤ ម៉ោង។

ប៉ុន្តែការខ្វែងគំនិតគ្នាខាងនយោបាយយ៉ាងជ្រៅ បណ្តាលឱ្យបិទទ្វាររដ្ឋាភិបាលនៅតែមាន។

ការផ្តល់មូលនិធិបណ្តោះអាសន្នដែលអនុម័តដោយសភាធ្វើតិចតួចណាស់ដើម្បីបញ្ឈប់ ប្រធានាធិបតី Donald Trump ពីការកាត់បន្ថយការចំណាយ ហើយមិនដោះស្រាយការឧបត្ថម្ភធនថែទាំសុខភាពដែលក្រុមអ្នកប្រជាធិបតេយ្យចង់បង្កើន មុនពេលបើករដ្ឋាភិបាលឡើងវិញនោះទេ។

ប្រធានាធិបតីនៅតែកំពុងដើរលើផ្លូវត្រូវដើម្បីកាត់បន្ថយបុគ្គលិកស៊ីវិលដែលមានចំនួន ២,២ លាននាក់ មកនៅត្រឹម៣សែននាក់ នៅចុងឆ្នាំនេះ។  

ហើយកិច្ចព្រមព្រៀងនេះគ្រាន់តែផ្អាកកិច្ចខិតខំប្រឹងប្រែងដ៏ទូលំទូលាយរបស់លោក Trump ក្នុងការបន្ថយទំហំរដ្ឋាភិបាលសហព័ន្ធរហូតដល់ចុងខែមករាប៉ុណ្ណោះ ដែលមានន័យថាការបិទទ្វាររដ្ឋាភិបាលមួយផ្សេងទៀតអាចនឹងកើតឡើងនៅដើមឆ្នាំក្រោយ៕