រដ្ឋមន្ត្រីក្រសួងមហាផ្ទៃបារាំង លោក Laurent Nunez បាននិយាយកាលពីថ្ងៃព្រហស្បតិ៍ថា មានឱកាសខ្ពស់ដែលលោកនឹងទៅទស្សនកិច្ចប្រទេសអាល់ហ្សេរី ដោយសាទរការដោះលែងអ្នកនិពន្ធ Boualem Sansal របស់ប្រទេសអាហ្វ្រិកខាងជើងនេះថា ជាពន្លឺនៃក្តីសង្ឃឹមថា ទំនាក់ទំនងរវាងប្រទេសទាំងពីរ អាចត្រូវបានជួសជុលឡើងវិញ។

ប្រធានាធិបតីអាល់ហ្សេរី លោក Abdelmadjid Tebboune កាលពីថ្ងៃពុធ បានលើកលែងទោសដល់អ្នកនិពន្ធជនជាតិបារាំង-អាល់ហ្សេរី ដែលត្រូវបានចាប់ខ្លួនកាលពីមួយឆ្នាំមុន និងត្រូវបានកាត់ទោសកាលពីខែមីនា ឲ្យជាប់ពន្ធនាគាររយៈពេល ៥ឆ្នាំ ពីបទធ្វើឲ្យខូចដល់ឯកភាពជាតិ។ ករណីនេះ បានធ្វើឲ្យទំនាក់ទំនងដ៏លំបាករួចទៅហើយ រវាងប្រទេសអាល់ហ្សេរី និងម្ចាស់អាណានិគមបារាំង។

លោក Nunez បានប្រាប់ទូរទស្សន៍ BFM របស់បារាំងថា លោកប្រធានាធិបតី អេម៉ានុយអែល ម៉ាក្រុង                ( Emmanuel Macron) កាលពីថ្ងៃពុធ បានសន្ទនាតាមទូរស័ព្ទជាមួយលោក Tebboune ដើម្បីបង្ហាញពីការដឹងគុណរបស់លោក ហើយសង្ឃឹមថា នឹងបង្កើតកិច្ចពិភាក្សាលើបញ្ហាទ្វេ    ភាគី។

លោកបានថ្លែងថា៖«យើងត្រូវចាប់ផ្តើមការសន្ទនាអំពីសន្តិសុខឡើងវិញ។ វាមានសារៈសំខាន់សម្រាប់សុវត្ថិភាពសង្គមរបស់យើង»។ «ការសន្ទនានេះ ពិតជាត្រូវការចំាបាច់ ប៉ុន្តែការសន្ទនា ត្រូវតែមាន»។

ចំណងមិត្តភាពរវាងទីក្រុងប៉ារីស និងអាល់ហ្សេរី បានធ្លាក់ចុះយ៉ាងខ្លាំង ចាប់តាំងពីប្រទេសបារាំងកាលពីឆ្នាំមុន បានទទួលស្គាល់អធិបតេយ្យភាពរបស់ប្រទេសម៉ារ៉ុកលើទឹកដីនៃតំបន់ Sahara ភាគខាងលិចមានជម្លោះ ដែលទីក្រុង Rabat បាតចង់ឲ្យសហគមន៍អន្តរជាតិទទួលស្គាល់ថា ជារបស់ប្រទេសម៉ារ៉ុក៕