ក្រុមបាតុករ Gen Z និងអ្នកតំណាងកម្មករដឹកជញ្ជូន បានចេញធ្វើបាតុកម្មនៅតាំដងផ្លូវក្នុងទីក្រុងលីម៉ា កាលពីថ្ងៃសុក្រ ដើម្បីទាមទារកំណែទម្រង់នយោបាយ និងវិធានការដើម្បីដោះស្រាយអសន្តិសុខ និងអំពើពុករលួយនៅក្នុងប្រទេស។

ការហែក្បួនតវ៉ា ដែលត្រូវបានរារាំងដោយនគរបាលដែលមានខែលការពារមិនឲ្យចូលទៅកាន់សភា បានកើតឡើងបីសប្តាហ៍បន្ទាប់ពីប្រធានាធិបតីប៉េរូលោក Jose Jeri បានប្រកាសគ្រាអាសន្ននៅក្នុងរដ្ឋធានីនិងខេត្ត Callao ដែលនៅជិតខាង។

លោក Jeri បានស្បថកាលពីខែមុនបន្ទាប់ពីការទម្លាក់អតីតប្រធានាធិបតី លោកស្រី Dina Boluarte និងបានប្តេជ្ញាថានឹងធ្វើឱ្យការដោះស្រាយឧក្រិដ្ឋកម្មក្លាយជាអាទិភាពកំពូល។

ទោះជាយ៉ាងណា ក្រុមអ្នកតវ៉ាបានហែក្បួន ទាមទារឲ្យមានវិធានការបន្ថែមទៀត។ លោក Juan Gutierrez បាននិយាយថា «វាជាកាតព្វកិច្ចរបស់យុវជនក្នុងការការពារប្រទេស ពុំមែនត្រឹមតែមនុស្សចាស់នោះទេ»។ ស្ថានភាពគ្រាអាសន្នបច្ចុប្បន្នត្រូវបានដាក់ឱ្យផុតកំណត់នៅថ្ងៃទី ២០ ខែវិច្ឆិកា។