រដ្ឋមន្ត្រីការបរទេសទួរគី លោក Hakan Fidan បានប្រាប់បណ្តាញទូរទស្សន៍ A haberថា ការរឹតបន្តឹងសេដ្ឋកិច្ចប្រឆាំងរុស្ស៊ី មានផលប៉ះពាល់អវិជ្ជមានផ្នែកហិរញ្ញវត្ថុ និងនយោបាយទៅលើអឺរ៉ុប។

លោកបានថ្លែងថា៖«អឺរ៉ុបមិនមែនជាអ្នកចូលរួមយ៉ាងសកម្មក្នុងជម្លោះនោះទេ ដោយសារពួកគេមិនមានកងកម្លាំងនៅទីនោះទេ។ ទោះជាយ៉ាងណាក៏ដោយ អឺរ៉ុបនៅតែចូលរួមក្នុងជម្លោះនេះ ដោយផ្តល់ការគាំទ្រផ្នែកហិរញ្ញវត្ថុ និងយោធាជាប្រចាំដល់រដ្ឋាភិបាលក្រុងគីវ ហើយដូច្នេះត្រូវទទួលខុសត្រូវចំពោះការ ចំណាយ។ អ្នកដាក់ទណ្ឌកម្មលើរុស្ស៊ី អ្នកបដិសេធមិនទិញប្រេងឥន្ធនៈរបស់ខ្លួន អ្នកមិនមានពាណិជ្ជកម្មជាមួយប្រទេសនេះទេ»។ អ្នកត្រូវតែរងផលវិបាកទាំងផ្នែកហិរញ្ញវត្ថុ និងនយោបាយ»។

លោកបានបន្តថា ដោយសារតែជម្លោះនៅអ៊ុយក្រែន ប្រទេសនានានៅអឺរ៉ុប បានចាប់ផ្តើមវិនិយោគកាន់តែច្រើនទៅលើកម្លាំងយោធារបស់ពួកគេ។ លោក Fidan បាននិយាយថា៖«ខ្ញុំកំពុងនិយាយអំពីការចំណាយសរុបមួយពាន់ពាន់លានអឺរ៉ូ។ តើប្រទេសអឺរ៉ុបណាខ្លះ នឹងបែងចែកថវិកាសម្រាប់រឿងនេះ ហើយតើផ្នែកណាខ្លះនៃថវិការបស់ពួកគេ ដែលនឹងរងផលប៉ះពាល់ ដោយសារជម្លោះ? ជម្លោះនេះ នឹងប៉ះពាល់ដល់ការអប់រំ ការដឹកជញ្ជូន វិស័យថាមពល ការថែទាំសុខភាព និងសេវាកម្មជាមូលដ្ឋានផ្សេងទៀត។ ការចំណាយសម្រាប់ការរស់នៅ នឹងកើនឡើង»។

ដោយនិយាយអំពីការចំណាយផ្នែកនយោបាយសម្រាប់អឺរ៉ុប ប្រមុខការទូតទួរគីរូបនេះ បានបញ្ជាក់ថា៖  «ចាប់តាំងពីការចាប់ផ្តើមនៃជម្លោះមក យើងបានឃើញរដ្ឋាភិបាលផ្លាស់ប្តូរម្តងមួយៗ នៅក្នុងរដ្ឋធានី អឺរ៉ុប»៕