យោធាកូរ៉េខាងត្បូងដែននៅថ្ងៃចន្ទនេះ បានស្នើឲ្យមានការចរចាជាមួយកូរ៉េខាងជើង ដើម្បីជៀសវាងការប៉ះទង្គិចគ្នាតាមព្រំ ដោយលើកឡើងពីការឈ្លានពានថ្មីៗរបស់កងទ័ពកូរ៉េខាងជើង។

លោក Kim Hong-cheol អនុរដ្ឋមន្ត្រីក្រសួងគោលនយោបាយការពារជាតិ បានប្រាប់សន្និសីទសារព័ត៌មានមួយ ដោយសំដៅទៅលើខ្សែបន្ទាត់កំណត់ព្រំដែនយោធា នៅតាមព្រំដែនថា៖«ដើម្បីទប់ស្កាត់ ការប៉ះទង្គិចគ្នាដោយចៃដន្យ និងបន្ធូរបន្ថយភាពតានតឹងផ្នែកយោធា យោធារបស់យើងស្នើជាផ្លូវការថា ភាគីទាំងពីរ គួរតែធ្វើកិច្ចចរចាយោធាអន្តរកូរ៉េ ដើម្បីពិភាក្សាអំពីការបង្កើតខ្សែបន្ទាត់យោងច្បាស់លាស់សម្រាប់ខ្សែបន្ទាត់កំណត់ព្រំដែនយោធា ( MDL)»។

លោក Kim Hong-cheol បាននិយាយថា មានការឆ្លងកាត់ខ្សែបន្ទាត់កំណត់ព្រំដែនម្តងហើយម្តងទៀតដោយទាហានកូរ៉េខាងជើង «ខណៈពេលដែលកំពុងដំឡើងផ្លូវយុទ្ធសាស្ត្រ របង និងដាក់មីន»។

លោកបានបញ្ជាក់ថា កងទ័ពកូរ៉េខាងត្បូង បានបាញ់ព្រមាន និងចេញការផ្សាយ ដើម្បីជំរុញកងទ័ពកូរ៉េខាងជើង ឲ្យដកថយទៅខាងពួកគេវិញ។

លោក Kim Hong-cheol បាននិយាយថា ការឈ្លានពានថ្មីៗនេះ បានកើតឡើងដោយសារតែ «ការបាត់បង់បង្គោល MDL ជាច្រើន» ដែលត្រូវបានដំឡើង ក្រោមកិច្ចព្រមព្រៀងឈប់បាញ់ឆ្នាំ ១៩៥៣ ដែលបានបញ្ចប់សង្គ្រាមកូរ៉េ៕