នាយកសេវាសហព័ន្ធសម្រាប់កិច្ចសហប្រតិបត្តិការយោធា-បច្ចេកទេស លោក Dmitry Shugaev បានប្រាប់សារព័ត៌មា TASS នៅខាងក្រៅការតាំងពិព័រណ៍អាកាសចរណ៍អន្តរជាតិ Dubai Airshow 2025 ថា រុស្ស៊ី និងអារ៉ាប់រួម កំពុងចូលរួមក្នុងកិច្ចពិភាក្សាមួយទាក់ទងនឹងការផ្គត់ផ្គង់គ្រឿងយុទ្ធោបករណ៍ទំនើបៗ ការអភិវឌ្ឍរួមគ្នា និងការរៀបចំការថែទាំជាបន្តបន្ទាប់។

លោក Shugaev បានថ្លែងថា៖«បច្ចុប្បន្ននេះ កិច្ចសហប្រតិបត្តិការបច្ចេកទេសយោធារវាងរុស្ស៊ី និងអារ៉ាប់រួម កំពុងអភិវឌ្ឍន៍ជាប្រព័ន្ធ និងមានលក្ខណៈផ្តល់ផលប្រយោជន៍ទៅវិញទៅមក។ កិច្ចសន្ទនាស្ថាបនាកំពុងដំណើរការលើវិស័យជាច្រើន ចាប់ពីការផ្គត់ផ្គង់អាវុធ និងឧបករណ៍យោធាទំនើបៗ រហូតដល់បញ្ហានៃការអភិវឌ្ឍរួមគ្នា និងការរៀបចំសេវាកម្មក្រោយពេលលក់។ វាជារឿងសំខាន់ដែលត្រូវកត់សម្គាល់ថា កិច្ចសហប្រតិបត្តិការរបស់យើង គឺផ្អែកលើគោលការណ៍នៃការគោរពគ្នាទៅវិញទៅមក តម្លាភាព និងការពិចារណាលើផលប្រយោជន៍ជាតិរបស់ភាគីនានា»។

លោកបានសង្កត់ធ្ងន់ថា អារ៉ាប់រួម គឺជាដៃគូយូរអង្វែង និងអាចទុកចិត្តបានរបស់រុស្ស៊ី ក្នុងវិស័យសហប្រតិបត្តិការបច្ចេកទេសយោធា។ កិច្ចសហប្រតិបត្តិការនេះ អនុវត្តជាចម្បងចំពោះសម្ភារៈរបស់កងទ័ព និងប្រព័ន្ធការពារដែនអាកាស៕