ការិយាល័យប្រព័ន្ធផ្សាយ បានឲ្យដឹងនៅថ្ងៃអង្គារនេះថា ជនសកម្មប្រយុទ្ធតាលីបង់ប៉ាគីស្ថាន ១៥ នាក់ ត្រូវបានសម្លាប់ នៅក្នុងខេត្ត Khyber Pakhtunkhwa (KP) ភាគពាយ័ព្យ ក្នុងប្រតិបត្តិការប្រឆាំងភេរវកម្មពីរដាច់ដោយឡែកពីគ្នា កាលពីសប្តាហ៍មុន។ 

យោងតាមការិយាល័យទំនាក់ទំនងសាធារណៈអន្តរសេវាកម្ម (ISPR) កងកម្លាំងសន្តិសុខ បានធ្វើប្រតិបត្តិផ្នែកការស៊ើបការណ៍សម្ងាត់លើកដំបូង នៅក្នុងស្រុក Dera Ismail Khan ភាគពាយ័ព្យ នៅថ្ងៃទី ១៥ និង ១៦ ខែវិច្ឆិកា។ ការិយាល័យនេះ បានបញ្ជាក់ថា ជនសកម្មប្រយុទ្ធ ១០ នាក់ រួមទាំងមេដឹកនាំក្រុម Tehreek-e-Taliban Pakistan (TTP) លោក Alam Mehsud ត្រូវបានសម្លាប់។

នៅក្នុងប្រតិបត្តិការលើកទី២ ដែលបានធ្វើឡើង នៅក្នុងស្រុក North Waziristan ក្នុងតំបន់ Datta Khel ISPR បាននិយាយថា ជនសកម្មប្រយុទ្ធ ៥នាក់ ផ្សេងទៀត ត្រូវបានសម្លាប់។

ការិយាល័យប្រព័ន្ធផ្សព្វផ្សាយរបស់យោធា បាននិយាយនៅក្នុងសេចក្តីថ្លែងការណ៍មួយថា៖«ប្រតិបត្តិការបោសសម្អាត កំពុងត្រូវបានធ្វើឡើង ដើម្បីកម្ទេចក្រុមកាន់សាសនាឥស្លាម kharji ដែលឧបត្ថម្ភដោយឥណ្ឌាផ្សេងទៀត ដែលត្រូវបានរកឃើញ នៅក្នុងតំបន់នោះ»៕