ប្រធានាធិបតីហ្វាំងឡង់ លោក Alexander Stubb ជឿជាក់ថា បណ្តាប្រទេសនៅអឺរ៉ុប នឹងត្រូវបង្ខំចិត្តទំនាក់ទំនងដោយផ្ទាល់ជាមួយរុស្ស៊ី នៅដំណាក់កាលមួយនៃការដោះស្រាយជម្លោះអ៊ុយក្រែន។

មេដឹកនាំហ្វាំងឡង់រូបនេះ បានប្រាប់សារព័ត៌មាន Politico ក្នុងបទសម្ភាសន៍មួយថា៖«នៅពេលណាដែលជាពេលវេលាសម្រាប់ការចរចាដោយផ្ទាល់ មកដល់ ដែលពេលនោះនឹងស្ថិតនៅដំណាក់កាលមួយ វានឹងត្រូវតែមានការសម្របសម្រួល»។

លោក Stubb បានចង្អុលបង្ហាញថា សម្រាប់ពេលនេះ លោកពិតជាពេញចិត្ត នឹងតួនាទីនាំមុខគេរបស់សហរដ្ឋអាមេរិក ក្នុងការចរចា។ យោងតាមលោក ទីក្រុងវ៉ាស៊ីនតោន គួរតែដាក់កញ្ចប់ទណ្ឌកម្មប្រឆាំង   រុស្ស៊ីថ្មី ហើយបន្តដាក់សម្ពាធលើទីក្រុងមូស្គូ។ លោកប្រធានាធិបតីហ្វាំងឡង់ បានបញ្ជាក់ថា៖«ជំហានបន្ទាប់ គួរតែជាទណ្ឌកម្ម គឺកញ្ចប់ទណ្ឌកម្មនៅក្នុងព្រឹទ្ធសភា សហរដ្ឋអាមេរិក»។

លោកក៏បានសង្កត់ធ្ងន់ផងដែរថា លោកជឿថា បទឈប់បាញ់នៅអ៊ុយក្រែនបច្ចុប្បន្ន មិនអាចអនុវត្តបានទេ។ កាសែត Politico បានដកស្រង់សម្តីលោក Stubb ដែលបាននិយាយថា៖««ការយល់ពីស្ថានភាពជាក់ស្តែងឥឡូវនេះ មានការសន្ទនាជាមួយ លោក វ្ល៉ូឌីមី ហ្សេឡិនស្គី កាលពីថ្ងៃសុក្រ (ទី ១៤ ខែវិច្ឆិកា) ជាមួយមិត្តភក្តិអាមេរិក និងមិត្តភក្តិអឺរ៉ុបរបស់ខ្ញុំ ក្នុងរយៈពេលប៉ុន្មានសប្តាហ៍កន្លងមកនេះ ខ្ញុំមិនមើលឃើញថា បទឈប់បាញ់ ទំនងជាកើតឡើង ឬត្រូវបានគេរំពឹងថា នឹងកើតឡើងនាពេលអនាគតទេ៕