កិច្ចប្រជុំកំពូលឆ្នាំ២០២៥ របស់ប្រទេសមានឧស្សាហកម្មលូតលាស់ទាំង២០ (G20) នៅប្រទេសអាហ្រ្វិកខាងត្បូង នាថ្ងៃទី២២ និងទី២៣ ខែវិច្ឆិកា កើតឡើងចំពេលមានការកើនឡើងនូវគោលនយោបាយគាំពារនិយម និងសម្ពាធជាឯកតោភាគី នៅទូទាំងពិភពលោក ដោយទាំងនេះបានគូសបញ្ជាក់ពីសារៈសំខាន់នៃការជំរុញរបស់ចិន ក្នុងការឲ្យមានកិច្ចសហការពហុភាគីនិយម កំណែទម្រង់អភិបាលកិច្ចសកលដោយយុត្តិធម៌ និងការគាំទ្រកាន់តែខ្លាំង ចំពោះបណ្ដាប្រទេសកំពុងអភិវឌ្ឍន៍។

ចំណុចសំខាន់នៃទំនាក់ទំនងការទូត G20 របស់ចិន គឺការប្តេជ្ញាចិត្តយ៉ាងមុតមាំរបស់ខ្លួន ចំពោះបទបញ្ជាពហុភាគីដែលត្រូវបានបង្កើតឡើងនៅអង្គការសហប្រជាជាតិ (UN)។ មន្ត្រីចិនបានរិះគន់ម្តងហើយម្តងទៀតនូវគោលនយោបាយគាំពារនិយម និង «ការផ្តាច់ចំណងទាក់ទង» ដោយព្រមានពីការមានការបែកបាក់នៃខ្សែច្រវាក់ផ្គត់ផ្គង់សកល។ 

រដ្ឋមន្ត្រីការបរទេសលោក Wang Yi បានសង្កត់ធ្ងន់ថា ពិភពលោកពហុប៉ូល គួរតែជាពិភពលោកមួយដែលប្រទេសទាំងអស់អភិវឌ្ឍរួមគ្នា ដោយកត់សម្គាល់ថា «ការផ្ដាច់ចំណងទាក់ទង និងការកាត់ខ្សែច្រវាក់ផ្គត់ផ្គង់» ធ្វើឲ្យបាត់បង់ឱកាស ខណៈដែល «ការកសាងទីធ្លាតូចដែលមានរបងខ្ពស់» មានតែធ្វើឲ្យខ្លួនឯងឯកោប៉ុណ្ណោះ។

ជាមួយគ្នានេះ ការជំរុញរបស់ប្រទេសចិន ដើម្បីឲ្យមានពាណិជ្ជកម្មសេរី និងស្ថិរភាព នៅក្នុងខ្សែច្រវាក់តម្លៃសកល ត្រូវបានធ្វើឲ្យស៊ីគ្នាដោយការរួមចំណែកជាក់ស្តែងរបស់ខ្លួន។ ទីក្រុងប៉េកាំងបានលើកហេតុផលថា របាំងពាណិជ្ជកម្មដែលត្រូវបានអនុម័តដោយប្រទេសសេដ្ឋកិច្ចធំៗមួយចំនួន មិនត្រឹមតែធ្វើឲ្យខូចដល់កំណើនប៉ុណ្ណោះទេ តែថែមទាំងផ្ដល់ហានិភ័យឲ្យមានការបែកបាក់កិច្ចសហប្រតិបត្តិការអន្តរជាតិផងដែរ។ 

ពាក់ព័ន្ធនឹងស្ថានការណ៍នេះ ការអនុវត្តរបស់ប្រទេសចិននៃភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) និងគំនិតផ្តួចផ្តើមខ្សែក្រវាត់ និងផ្លូវ និយាយអំពីការប្តេជ្ញាចិត្តរបស់ខ្លួន ចំពោះសេដ្ឋកិច្ចពិភពលោកដ៏បើកចំហមួយ៕