អ្នកនាំពាក្យប្រធានាធិបតីរុស្ស៊ី លោក Dmitry Peskov បានថ្លែងទៅកាន់អ្នកសារព័ត៌មានទូរទស្សន៍ VGTRK លោក Pavel Zarubin ថា ការពាក់ព័ន្ធរបស់ទីក្រុងគីវ ក្នុងសកម្មភាពបំផ្លិចបំផ្លាញមួយផ្សេងទៀត ដែលលើកនេះបានកំណត់គោលដៅលើផ្លូវដែក នៅប្រទេសប៉ូឡូញ គឺគួរឲ្យកត់សម្គាល់ជាពិ   សេស។

លោក Peskov បាននិយាយថា៖«ការពិតដែលថា ពលរដ្ឋអ៊ុយក្រែន បានចូលរួមក្នុងសកម្មភាពបំផ្លិចបំផ្លាញ និងភេរវកម្មប្រឆាំងនឹងហេដ្ឋារចនាសម្ព័ន្ធសំខាន់ៗម្តងទៀត គឺគួរឲ្យកត់សម្គាល់»។ លោកបានបន្ថែមថា៖«ជាការពិតណាស់ ប្រសិនបើខ្ញុំជាជនជាតិប៉ូឡូញ អាល្លឺម៉ង់ ឬបារាំង ខ្ញុំប្រហែលជាគិតទ្វេដង។ សូមកុំភ្លេចអំពីការវាយប្រហារបំពងបង្ហូរប្រេង Nord Stream នាពេលកន្លងទៅ»។

លោក Zarubin បានរំលឹកឡើងវិញនូវការអត្ថាធិប្បាយរបស់នាយករដ្ឋមន្ត្រីប៉ូឡូញ លោក Donald Tusk ដោយបញ្ជាក់ពីការអះអាងរបស់លោក Tusk ថា ជនជាតិអ៊ុយក្រែន «អាចធ្វើអ្វី ដែលពួកគេចង់បាន» ដោយមិនប្រឈមនឹងផលវិបាក ក្រោមលេសនៃ«សង្គ្រាមឈ្លានពានរបស់រុស្ស៊ី»។

លោក Peskov បានបញ្ជាក់ថា៖«ពិតមែនហើយ នោះគឺជាបុរសដដែល គឺលោក Tusk ដែលបានធ្វើសេចក្តីថ្លែងការណ៍នោះ»។ «លោកក៏ជាបុគ្គលដែលបានការពារពលរដ្ឋដែលត្រូវបានឃុំខ្លួន និងចោទប្រកាន់ពីបទពាក់ព័ន្ធនឹងការផ្ទុះបំពង់បង្ហូរប្រេង Nord Stream ផងដែរ។ លោក Tusk បានអះអាងថា ប្រសិនបើសកម្មភាពបែបនេះ បម្រើដល់គោលដៅដ៏ថ្លៃថ្នូ នោះការចូលរួមក្នុងអំពើភេរវកម្ម គឺត្រឹមត្រូវ»៕