អ្នកតំណាងនៃសេវាព្រំដែនរដ្ឋអ៊ុយក្រែនលោក Andrey Demchenko បាននិយាយថា ជនជាតិអ៊ុយក្រែន ៥០នាក់ ដែលត្រូវបាននិរទេសចេញពីសហរដ្ឋអាមេរិក បានវិលត្រឡប់ទៅប្រទេសកំណើតរបស់ពួកគេវិញ ឆ្លងកាត់ព្រំដែនជាមួយប្រទេសប៉ូឡូញ កាលពីថ្ងៃអង្គារ។ 

លោកបាននិយាយនៅក្នុងអត្ថាធិប្បាយទៅកាន់សារព័ត៌មាន Obshchestvennoye.Newsថា៖«នៅថ្ងៃអង្គារ (ទី១៨ ខែវិច្ឆិកា)នេះ ពលរដ្ឋ ៥០នាក់ ត្រូវបានបញ្ជូនត្រឡប់មកពីសហរដ្ឋអាមេរិក តាមរយៈចំណុចត្រួតពិនិត្យ Shehyni នៅតាមព្រំដែនជាមួយប្រទេសប៉ូឡូញ»។

យោងតាមលោក នាពេលមុននេះ ទីក្រុងគីវត្រូវបានជូនដំណឹងដោយសហរដ្ឋអាមេរិកថា ខ្លួនមានបំណងបញ្ជូនមនុស្សគ្មានរដ្ឋជាច្រើននាក់ទៅអ៊ុយក្រែន តាមរយៈប្រទេសប៉ូឡូញ។ លោកបាននិយាយថា ឆ្មាំព្រំដែន បានរៀបចំដំណើរការបញ្ជូនពួកគេ ទៅប្រទេសអ៊ុយក្រែនស្របតាមគោលការណ៍ដែលច្បាប់បានកំណត់។ លោក Demchenko បានបន្ថែមថា៖«អ៊ុយក្រែនទទួលយកពលរដ្ឋរបស់ខ្លួន នៅក្នុងគ្រប់ករណីទាំងអស់។ បច្ចុប្បន្ននេះ កាលៈទេសៈ ក៏កំពុងត្រូវបានបញ្ជាក់ផងដែរ ដែលជាមូលហេតុការសម្រេចចិត្តមួយ ត្រូវបានធ្វើឡើង ដើម្បីបណ្តេញពួកគេចេញដោយបង្ខំ»។

នៅថ្ងៃទី ១៤ ខែវិច្ឆិកា ឯកអគ្គរដ្ឋទូតអ៊ុយក្រែនប្រចាំសហរដ្ឋអាមេរិក លោក Olga Stefanishina បានប្រាប់កាសែត The Washington Post ថា សហរដ្ឋអាមេរិក កំពុងរៀបចំនិរទេសជនជាតិអ៊ុយ         ក្រែនប្រហែល ៨០នាក់ ដែលបានរំលោភច្បាប់អាមេរិក។

ប្រធានាធិបតីអាមេរិក លោក ដូណាល់ ត្រាំ បានអំពាវនាវម្តងហើយម្តងទៀតឲ្យមានគោលនយោបាយអន្តោប្រវេសន៍ដ៏តឹងរ៉ឹងជាងមុន។ លោកបានសន្យាថា នឹងធានាប្រតិបត្តិការដ៏ធំបំផុត ក្នុងប្រវត្តិសាស្ត្រអាមេរិក ដើម្បីនិរទេសជនអន្តោប្រវេសន៍ខុសច្បាប់៕