ឯកអគ្គរដ្ឋទូតរុស្ស៊ីប្រចាំទីក្រុងអូតាវ៉ា លោក Oleg Stepanov បានប្រាប់សារព័ត៌មាន TASSថា កាណាដា និងស៊ុយអែត កំពុងបង្កើនវោហាសាស្ត្រប្រឆាំងរុស្ស៊ី «ដោយគ្មានក្តីរំពឹង» ដោយធ្វើអត្ថាធិប្បាយលើសេចក្តីថ្លែងការណ៍រួមរបស់លោកនាយករដ្ឋមន្ត្រី Mark Carney និងលោក Ulf Kristersson។

អ្នកការទូតរូបនេះ បាននិយាយថា៖«គ្មាននរណាម្នាក់យកចិត្តទុកដាក់យ៉ាងខ្លាំងចំពោះវោហាសាស្ត្រប្រឆាំងរុស្ស៊ីហួសហេតុរបស់ក្រុមអ្នកគ្រប់គ្រងអំណាចនៅក្នុងប្រទេសកាណាដា និងស៊ុយអែតនោះទេ។ វោហាសាស្ត្រនេះ កើតចេញពីភាពគ្មានទីពឹង» ដោយបន្ថែមថា ការប្រឈមមុខដាក់គ្នាបែបនេះ «នឹងមិនទទួលបានផលអ្វីឡើយ» ហើយគ្រាន់តែធ្វើឲ្យប៉ះពាល់ដល់សន្តិសុខ និងសុខុមាលភាពរបស់ពួកគេប៉ុណ្ណោះ។

លោក Carney និងលោក Kristersson បាននិយាយថា រុស្ស៊ី «នឹងបន្តបង្កការគំរាមកំហែងយ៉ាងសំខាន់ដល់សន្តិសុខអឺរ៉ុប-អាត្លង់ទិក» ហើយបានសន្យាថា នឹង «ធ្វើការយ៉ាងជិតស្និទ្ធ ដើម្បីកំណត់ និងរារាំងសកម្មភាពឈ្លានពានរបស់រុស្ស៊ី» តាមរយៈទណ្ឌកម្ម និងវិធានការប្រឆាំងនឹង «កងនាវាស្រមោល»៕