អ្នកយកព័ត៌មានរបស់កាសែត Economist លោក Oliver Carroll បានសរសេរនៅលើបណ្តាញសង្គម X ថា ផែនការសន្តិភាពរបស់ប្រធានាធិបតីអាមេរិកលោក ដូណាល់ ត្រាំ ស្តីពីអ៊ុយក្រែន បានចែងថា កងកម្លាំងប្រដាប់អាវុធរបស់ប្រទេសនេះ គួរតែត្រូវបានកាត់បន្ថយចំនួន ២,៥ដង។ 

នាពេលមុននេះ សារព័ត៌មាន Financial Times (FT) បានជូនដំណឹងថា ស្របតាមផែនការរបស់សហរដ្ឋអាមេរិក ចំនួននៃកងកម្លាំងប្រដាប់អាវុធអ៊ុយក្រែន នឹងត្រូវកាត់បន្ថយពាក់កណ្តាល។

នាពេលកន្លងទៅ អ្នកនាំពាក្យវិមានក្រឹមឡាំង លោក Dmitry Peskov បានឆ្លើយតបទៅនឹងសំណួររបស់ សារព័ត៌មាន TASS ថា ទីក្រុងមូស្គូ និងទីក្រុងវ៉ាស៊ីនតោន មិនទាន់បានធ្វើការលើគំនិតផ្តួចផ្តើមថ្មីណាមួយទាក់ទងនឹងដំណោះស្រាយអ៊ុយក្រែនលើសពីកិច្ចព្រមព្រៀងដែលសម្រេចបានដោយប្រធានាធិបតីរុស្ស៊ី លោក វ្ល៉ាឌីមៀ ពូទីន និងមេដឹកនាំអាមេរិក លោក ដូណាល់ ត្រាំ នៅរដ្ឋអាឡាស្កានោះទេ៕