រដ្ឋមន្ត្រីការបរទេសហុងគ្រី លោក Peter Szijjarto នៅថ្ងៃព្រហស្បតិ៍ (ទី២០ ខែវិច្ឆិកា) នេះ បាននិយាយថា សហភាពអឺរ៉ុប (EU) គួរតែបញ្ឈប់បញ្ជូនប្រាក់ទៅរដ្ឋាភិបាលអ៊ុយក្រែន បន្ទាប់ពីលេចឡើងនូវរបាយការណ៍ អំពីអំពើពុករលួយ។

មុនកិច្ចប្រជុំជាមួយសមភាគី EU របស់លោក នៅទីក្រុងប៊្រុចសែល ប្រទេសបែលហ្ស៊ិក លោក Szijjarto បានប្រាប់អ្នកសារព័ត៌មានថា៖ «មានក្រុមឧក្រិដ្ឋជនសង្រ្គាម ប្រព័ន្ធពុករលួយដែលកំពុងធ្វើការ នៅអ៊ុយក្រែន ហើយបន្ទាប់មកប្រធានគណៈកម្មការអឺរ៉ុប ជំនួសឲ្យការបញ្ឈប់ការទូទាត់ និងតម្រូវឲ្យមានការធ្វើឲ្យជ្រះស្រឡះកានូវរផ្ដល់មូលនិធិ លោកស្រីបែរជាចង់បញ្ជូន ១០០លានដុល្លារទៅអ៊ុយក្រែន។ នោះជាការធ្វើដោយមិនមានវិចារណញ្ញាណទាល់តែសោះ»។

រដ្ឋមន្ត្រីអ៊ុយក្រែន ២រូបដែលជាប់ក្នុងការស៊ើបអង្កេត អំពីអំពើពុករលួយធំ ត្រូវបានបណ្ដេញចេញពីតំណែង កាលពីថ្ងៃពុធ (ទី១៩ ខែវិច្ឆិកា) ដោយរដ្ឋសភា ដែលបានអំពាវនាវឲ្យមានវិធានការបន្ថែមទៀត ដើម្បីស្ដារឲ្យមានការជឿជាក់ឡើងវិញ លើភាពជាអ្នកដឹកនាំរបស់ប្រទេស។

ក្នុងអំឡុងពេលនិយាយនៅទីក្រុងប្រ៊ុចសែល លោក Szijjarto បានបន្ថែមថា ទស្សនវិស័យ មិនមានភាពវិជ្ជមាននោះឡើយ សម្រាប់អ៊ុយក្រែន នាពេលនេះ។ លោកបានសង្កត់ធ្ងន់ថា «ពេលវេលាមិនជួយស្ដារមុខមាត់អ៊ុយក្រែនឡើយ។ វាគឺជាការយល់ច្រឡំទាំងស្រុង ដែលនិយាយថា ពេលវេលា គឺជួយអ៊ុយក្រែននោះ»៕