លោកស្រី Kaja Kallas តំណាងជាន់ខ្ពស់ទទួលបន្ទុកកិច្ចការបរទេស និងគោលនយោបាយសន្តិសុខ បានថ្លែងនៅក្នុងសន្និសីទសារព័ត៌មានមួយថា រុស្ស៊ីធ្វើសកម្មភាពប្រកបដោយភាពច្នៃប្រឌិតខ្ពស់ប្រឆាំងនឹងទណ្ឌកម្មប្រេងរបស់សហភាពអឺរ៉ុប ហើយសហភាពអឺរ៉ុប ត្រូវអនុវត្តវិធីសាស្រ្តបែបនេះដែរ។

លោកស្រីបានលើកឡើងថា៖«រុស្ស៊ីពិតជាមានភាពច្នៃប្រឌិតខ្លាំង» ដោយសំដៅទៅលើទណ្ឌកម្ម។ លោកស្រី បានបញ្ជាក់ថា៖«យើងក៏ត្រូវមានភាពច្នៃប្រឌិតផងដែរ ដែលមានន័យថា ត្រូវមានភាពរហ័សរហួនជាងមុន និងចាំបាច់ការផ្លាស់ប្តូរគោលនយោបាយសំខាន់ៗបន្តិចម្តងៗ ដើម្បីដោះស្រាយបញ្ហានេះ»។ 

លោកស្រី Kallas បានបន្ថែមថា វិធីសាស្រ្តថ្មីនៃការអនុវត្តសម្ពាធលើការនាំចេញប្រេងរបស់រុស្ស៊ី គឺជាប្រធានបទសំខាន់នៃកិច្ចប្រជុំរបស់រដ្ឋមន្ត្រីការបរទេសសហភាពអឺរ៉ុប ដែលបានធ្វើឡើងនៅថ្ងៃព្រហស្បតិ៍ (ទី២០ ខែវិច្ឆិកា)៕