នគរបាលបាននិយាយថា អង្គភាពប្រឆាំងភេរវកម្មឥណ្ឌា បានឆ្មក់ឆែកការិយាល័យកាសែត The Kashmir Times ជុំវិញតួនាទីរបស់ខ្លួននៅក្នុង «ការឃុបឃិតព្រហ្មទណ្ឌ» ដោយគេហទំព័រព័ត៌មាននេះ បានហៅការចោទប្រកាន់ទាំងនេះថា «គ្មានមូលដ្ឋាន» នៅថ្ងៃសុក្រនេះ។

ទីភ្នាក់ងារស៊ើបអង្កេតរដ្ឋ (SIA) បានអះអាងថា ការស្វែងរកនៅល្ងាចថ្ងៃព្រហស្បតិ៍ គឺជាផ្នែកមួយនៃការស៊ើបអង្កេតលើកាសែត The Kashmir Times ជុំវិញការជាប់ពាក់ព័ន្ធរបស់ពួកគេ នៅក្នុង «ការឃុបឃិតព្រហ្មទណ្ឌ ជាមួយក្រុមបំបែកខ្លួន និងអង្គភាពប្រឆាំងជាតិផ្សេងទៀត ដែលកំពុងប្រតិបត្តិការនៅក្នុង និងក្រៅ ដែនដីJammu និង Kashmir»។

តំបន់កាស្មៀរ ត្រូវបានបែងចែករវាងឥណ្ឌា និងប៉ាគីស្ថាន ចាប់តាំងពីទទួលបានឯករាជ្យពីការគ្រប់គ្រងរបស់អង់គ្លេសក្នុងឆ្នាំ ១៩៤៧ ហើយប្រទេសទាំងពីរទាមទារទឹកដីហិម៉ាល័យទាំងស្រុង។ ភាពតានតឹងរវាងទីក្រុងញូវដែលី និងទីក្រុងអ៊ីស្លាម៉ាបាដ នៅតែមានកម្រិតខ្ពស់លើបញ្ហានេះ។

សារព័ត៌មាននេះបា នបដិសេធការចោទប្រកាន់ទាំងនេះ ហើយបាននិយាយថា ការិយាល័យដែលត្រូវបាន ឆ្មក់ឆែក ត្រូវបានបិទអស់រយៈពេល ៤ឆ្នាំ ចុងក្រោយនេះ និង«មិនបានដំណើរការទេ»។

កាសែត The Kashmir Times ដែលបានចាប់ផ្តើមនៅឆ្នាំ ១៩៥៤ បានបោះពុម្ពផ្សាយតាមអ៊ីនធឺណិត តែប៉ុណ្ណោះ បន្ទាប់ពីការិយាល័យមួយផ្សេងទៀតរបស់ខ្លួន ត្រូវបានឆ្មក់ឆែក និងបិទ នៅឆ្នាំ ២០២២៕