ក្រសួងសុខាភិបាលលីបង់បាននិយាយកាលពីថ្ងៃសុក្រថា ការវាយប្រហារ និងការរំលោភបំពានរបស់អ៊ីស្រាអែល បានសម្លាប់មនុស្ស ៣៣១ នាក់ និងរបួស ៩៤៥ នាក់ នៅក្នុងប្រទេសលីបង់ ចាប់តាំងពីកិច្ចព្រមព្រៀងបញ្ឈប់អរិភាព បានចូលជាធរមាន កាលពីមួយឆ្នាំមុន។

តួលេខទាំងនេះ គ្របដណ្តប់លើរយៈពេលចាប់ពីថ្ងៃទី ២៨ ខែវិច្ឆិកា ឆ្នាំ ២០២៤ ភ្លាមៗប៉ុន្មានបន្ទាប់ពីបទឈប់បាញ់សម្របសម្រួលដោយសហរដ្ឋអាមេរិក និងបារាំង បានចាប់ផ្តើម ដល់ថ្ងៃទី ២០ ខែវិច្ឆិកា ឆ្នាំ ២០២៥។

នៅក្នុងសេចក្តីថ្លែងការណ៍មួយ មជ្ឈមណ្ឌលប្រតិបត្តិការសង្គ្រោះបន្ទាន់សុខភាពសាធារណៈរបស់ក្រសួងបានសន្មតថា អ្នកស្លាប់ និងរបួសដោយសារការវាយឆ្មក់ ការវាយប្រហារ និងការរំលោភលើកិច្ចព្រមព្រៀងរបស់អ៊ីស្រាអែលដែលមានបំណង បញ្ចប់ការប្រយុទ្ធដែលបង្កឡើងដោយសង្គ្រាមនៅតំបន់ហ្កាហ្សា។

ខណៈពេលដែលបទឈប់បាញ់បានបញ្ចប់ការប្រយុទ្ធគ្នាពេញបន្ទុកជាផ្លូវការ ភាពតានតឹងនៅតែបន្ត។ យោធាអ៊ីស្រាអែល បានបន្តការវាយប្រហារជាប្រចាំនៅក្នុងទឹកដីលីបង់ ដោយនិយាយថា ពួកគេចាំបាច់ដើម្បីដោះស្រាយការគំរាមកំហែងភ្លាមៗរបស់ក្រុមហេសបូឡា។

អ៊ីស្រាអែលក៏បានរក្សាកងកម្លាំងនៅចំណុចយុទ្ធសាស្ត្រចំនួន ៥ តាមបណ្តោយព្រំដែនលីបង់ ដោយខកខានថ្ងៃផុតកំណត់ថ្ងៃទី ១៨ ខែកុម្ភៈ សម្រាប់ការដកទ័ពចេញទាំងស្រុង ដែលតម្រូវដោយកិច្ចព្រមព្រៀងនេះ៕