អភិបាលតំបន់លោក Vyacheslav Fedorishchev បាននិយាយនៅលើកម្មវិធីផ្ញើសារ Max ថា ការវាយប្រហារដោយយានដ្រូនទៅលើទីក្រុង Syzran ក្នុងតំបន់ Samara បានបណ្តាលឲ្យមនុស្សពីរនាក់ស្លាប់ និងពីរនាក់ទៀត រងរបួស ដោយអ្នករងរបួស កំពុងទទួលបានជំនួយផ្នែកវេជ្ជសាស្រ្ត។

លោក Fedorishchev បានអះអាងថា៖«ការវាយប្រហារដោយដ្រូនរបស់សត្រូវ បានកំណត់គោលដៅសហគ្រាសឧស្សាហកម្ម នៅក្នុងតំបន់ Samara។ សត្រូវមានគោលបំណងវាយប្រហារលើរោងចក្រឧស្សាហកម្មប្រេងឥន្ធនៈ និងថាមពល។ កងកម្លាំងការពារដែនអាកាស បានវាយបកទៅលើការវាយប្រហារនោះ។ ដោយមានការសោកសៅយ៉ាងខ្លាំង ខ្ញុំសូមជម្រាបជូនអ្នកថា មនុស្សពីរនាក់ ត្រូវបានសម្លាប់នៅក្នុងទីក្រុង Syzran ដោយសារតែយានដ្រូនធ្លាក់ត្រូវ។មនុស្សពីរនាក់ បានរងរបួស។ ពួកគេកំពុងទទួលបានការថែទាំសុខភាពយ៉ាងយកចិត្តទុកដាក់បំផុត»។

អភិបាលតំបន់លោក Alexander Khinshtein បានរាយការណ៍ថា អ៊ុយក្រែនក៏បានវាយប្រហារស្ថានីយរងមួយ នៅក្នុងទីក្រុង Rylsk ក្នុងតំបន់ Kursk ដែលធ្វើឲ្យមនុស្សប្រហែល ៣.000នាក់ គ្មានអគ្គិសនីប្រើប្រាស់។

លោកអភិបាលរដ្ឋ បានបន្ថែមថា៖«កងទ័ពអ៊ុយក្រែន បានបើកការវាយប្រហារ ដោយកំណត់គោលដៅទៅលើស្ថានីយរងមួយ នៅក្នុងសង្កាត់ Borovskoye នៃទីក្រុង Rylsk។ ការវាយប្រហារនេះ បានបង្កឲ្យបន្ទប់ ឡកម្តៅពីរ ត្រូវបានបំផ្លាញ។ ប្រជាជនប្រហែល ៣.000នាក់ ត្រូវបានទុកឲ្យដោយគ្មានអគ្គិសនីប្រើប្រាស់» ដោយបន្ថែមថា យោងតាមព័ត៌មានបឋម ពុំមានរបាយការណ៍អំពីអ្នកស្លាប់ និងរបួស នៅក្នុងតំបន់នោះទេ៕