នគរបាលរាប់រយនាក់បានចាប់ខ្លួនក្រុមបាតុករមួយក្តាប់តូច ដែលបានប្រមូលផ្តុំគ្នាដើម្បីគាំទ្រសកម្មភាពជនជាតិប៉ាឡេស្ទីន(Palestine Action ) ជាក្រុមបាតុករមួយដែលត្រូវបានហាមប្រាមក្រោមច្បាប់ប្រឆាំងភេរវកម្មក្នុងខែកក្កដា ឆ្នាំ២០២៥នេះ ។   

មនុស្សប្រហែល ៤០នាក់ត្រូវបានអូសចេញពីកន្លែងតវ៉ាក្នុងការជួបជុំគ្នាមួយដែលបានក្លាយទៅជាវាទិកាសិទ្ធិសេរីភាពក្នុងការនិយាយស្តី និងបានឈានដល់ការតវ៉ា ក៏ដូចជាការគាំទ្រដល់ប្រជាជនប៉ាឡេស្ទីនផងដែរ។

អ្នកដែលត្រូវបានចាប់ខ្លួនភាគច្រើនជាអ្នកជំនាញដែលចូលនិវត្តន៍ រួមទាំងអតីតគ្រូបង្រៀន និងវិស្វករ ដែលបានជំទាស់នឹងការពិតដែលថាការសរសេរផ្លាកសញ្ញាដែលបង្ហាញពីការគាំទ្ររបស់ពួកគេចំពោះ Palestine Action អាចនាំឱ្យមានការចាប់ខ្លួនពួកគេ។ 

ការជួបជុំមានឈ្មោះថា Palestine Action ត្រូវបានហាមប្រាមក្រោមច្បាប់ភេរវកម្មឆ្នាំ២០០០ បន្ទាប់ពីសកម្មភាពបង្កការខូចខាតមានទម្ងន់ទោសព្រហ្មទណ្ឌជាបន្តបន្ទាប់ រួមទាំងការវាយឆ្មក់នៅមូលដ្ឋានទ័ពអាកាស Royal Air Force ជាទីដែលក្រុមសកម្មជនបានបំផ្លាញយន្តហោះយោធាពីរគ្រឿង។

អ្នកសារព័ត៌មាន Reuters មួយរូប នៅកន្លែងកើតហេតុ បានប៉ាន់ប្រមាណថាមានមន្ត្រីនគរបាល ប្រហែល ៣៥០នាក់ មកពីកងកម្លាំងនគរបាលជាច្រើនផ្នែកនៅទូទាំងប្រទេស៕