​សហរដ្ឋអាមេរិក៖ លោក​ប្រធានាធិបតី​អាមេរិក Joe Biden បាន​ព្រមាន​ថា ​មាន​គ្រប់​សុចនាករ​ទាំង​អស់​ដែល​ថា រុស្ស៊ី​កំពុង​រៀប​ផែន​ការចូល​ឈ្លានពាន​អ៊ុយ​ក្រែ​ន រួមទាំង​សញ្ញា​នានាដែល​បញ្ជាក់​ថា ទីក្រុង​មូស្គូ​កំពុង​អនុវត្តន៍​ប្រតិបត្តិ​ការ​ព្យាយាម​ទម្លាក់កំហុស​ឲ្យ​គេ បន្ទាប់ពី​កងកម្លាំង​អ៊ុយ​ក្រែ​ន និង​ក្រុម​ឧទ្ទាម​គាំទ្រ​ទីក្រុងមូស្គូបាន​ផ្ទុះអាវុធ​ដាក់គ្នា​។

​លោក Joe Biden បាន​ព្រមាន​ថា ការឈ្លានពាន​ណាមួយ​នឹង​អាច​កើតមាន​នៅក្នុងពេល​ប៉ុន្មាន​ថ្ងៃ​ខាងមុខ​ទៀត​នេះ​។​ ​ទាហាន​អ៊ុយ​ក្រែ​ន និង​ក្រុម​ឧទ្ទាម​បំបែក​ខ្លួន​គាំទ្រ​ដោយ​រុស្ស៊ីនៅក្នុង​តំបន់​ភាគ​ខាងកើត​ស្រុក Luhansk កំពុង​ចោទប្រកាន់​ដាក់គ្នា​ទៅវិញទៅមក​ពី​ការបង្ក​ឲ្យ​មានការ​វាយ​ប្រយុទ្ធ​គ្នា​កាន់តែរីក​ធំ បន្ទាប់ពីសហរដ្ឋអាមេរិកអះអាងថា ​ក្រុងមូស្គូកំពុង​ព្យាយាម​បង្កើត​ឈុត​ឆាកជា​លេស​ឈ្លានពាន​អ៊ុយ​ក្រែ​ន​។ ទី​មេបញ្ជាការ​កងទ័ពអ៊ុយ​ក្រែ​ន​កាលពី​ថ្ងៃ​ព្រហស្បតិ៍​បាន​ចោទថា​ កងកម្លាំង​គាំទ្រ​ន​រុស្ស៊ីបាន​បាញ់កាំភ្លើង​ធំ​ធុន​ធ្ងន់​ទៅលើ​ស្រុក Stanytsia-Luhanska​។​

​ចំណែក​ប្រមុខ​ការទូត​អាមេរិកលោក Antony Blinken បាន​ប្រាប់​ក្រុមប្រឹក្សាសន្តិសុខ​អង្គការ​សហប្រជាជាតិ​ថា មី​ស៊ី​ល​ និង​គ្រាប់បែកជាច្រើន​គ្រាប់​បាន​ទម្លាក់​ទូទាំង​អ៊ុយ​ក្រែ​ន ប្រព័ន្ធ​ទំនាក់​ទំនង​ផ្សេងៗ​នឹងត្រូវ​ជាប់គាំង ការវាយប្រហារ​តាម​ប្រព័ន្ធ​បច្ចេកវិទ្យា​នានា​នឹងត្រូវ​បិទ​ស្ថាប័ន​នានា​របស់​អ៊ុយ​ក្រែ​ន​៕

អត្ថបទ៖ សុខមាន