UN៖ សហរដ្ឋអាមេរិក និងរុស្ស៊ីបានប៉ះទង្គិចគ្នាដោយការនិយាយលើកឡើង នៅអង្គការសហប្រជាជាតិកាលពីថ្ងៃព្រហស្បតិ៍ក្នុងកិច្ចប្រជុំក្រុមប្រឹក្សាសន្តិសុខស្តីពីប្រទេសអ៊ុយក្រែន។ ការព្រួយបារម្ភនៃសង្គ្រាមថ្មីនៅអឺរ៉ុបបានកើនឡើង ខណៈប្រធានាធិបតីសហរដ្ឋអាមេរិក លោក Joe Biden បានព្រមានថា រុស្ស៊ីអាចឈ្លានពានប្រទេសអ៊ុយក្រែនក្នុងរយៈពេលខ្លីខាងមុខនេះ ហើយការបំពានបានកើនឡើងនៅក្នុងការប្រឈមមុខដាក់គ្នាជាយូរនៅភាគខាងកើតប្រទេសអ៊ុយក្រែន ដែលការព្រួយបារម្ភមួយចំនួនអាចបង្កឲ្យមានជម្លោះកាន់តែខ្លាំង។
បណ្តាប្រទេសនៅអឺរ៉ុបបានជំរុញឱ្យប្រទេសរុស្ស៊ីបន្ធូរបន្ថយភាពតានតឹង។ ប្រសិនបើរុស្ស៊ីជ្រើសរើសការចាប់ផ្តើមវាយប្រហារនៅពេលមានភាពតានតឹងកាន់តែខ្លាំងឡើងនេះ ដោយប្រើព័ត៌មានមិនពិតជាលេស វានឹងបង្ហាញថា ប្រទេសរុស្ស៊ីមិនដែលមានភាពហ្មត់ចត់ចំពោះការចូលរួមផ្នែកការទូតនោះទេ។ ឥស្សរជនពិភពលោកបានខិតខំស្វែងរកដំណោះស្រាយ ប៉ុន្តែការសង្ស័យរវាងភាគខាងកើត និងខាងលិច ហាក់ដូចជាកើនឡើង ខណៈសម្ព័ន្ធមិត្តណាតូបានច្រានចោលការអះអាងរបស់រុស្ស៊ីថា រុស្សីកំពុងដកកងទ័ពរបស់ខ្លួនមកវិញពីសមយុទ្ធ ដែលបង្កឱ្យមានការព្រួយបារម្ភពីការវាយប្រហារ។
ឯកអគ្គរដ្ឋទូតប្រចាំអង្គការសហប្រជាជាតិរបស់ប្រទេសរុស្ស៊ីបានបដិសេធថា កងទ័ពមិនត្រូវបានពង្រាយក្នុងទីតាំងវាយប្រហារនោះទេ និងបាននិយាយថា រុស្ស៊ីត្រៀមខ្លួនរួចជាស្រេចសម្រាប់ការសន្ទនាជាមួយសហរដ្ឋអាមេរិក និងអឺរ៉ុប។ លោក Sergey Vershinin អនុរដ្ឋមន្ត្រីការបរទេសរុស្សីទទួលបន្ទុកកិច្ចការបរទេសនិយាយថា យើងបានត្រៀមខ្លួនរួចជាស្រេច សម្រាប់កិច្ចសន្ទនាហ្មត់ចត់បំផុតមិនក្លែងបន្លំនោះទេ៕
អត្ថបទ៖ ប៊ុនថន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
