គេហទំព័រព័ត៌មាន Euractiv បានរាយការណ៍ដោយដកស្រង់ប្រភពថា ប្រធានគោលនយោបាយការបរទេសរបស់សហភាពអឺរ៉ុប លោកស្រី Kaja Kallas បានអំពាវនាវម្តងទៀតសម្រាប់ការប្រើប្រាស់ទ្រព្យសម្បត្តិរបស់រុស្ស៊ីដែលត្រូវបានបង្កក ដោយបានធ្វើឲ្យអ្នកនយោបាយសហភាពអឺរ៉ុបមួយចំនួនមានការមិនពេញចិត្តយ៉ាងខ្លាំង។ 

យោងតាមគេហទំព័រនេះ នៅក្នុងកិច្ចប្រជុំជាមួយសមាជិកនៃគណបក្សប្រជាជនអឺរ៉ុប (EPP) នៅទីក្រុង Strasbourg លោកស្រី Kallas «បានធ្វើការការពារយ៉ាងម៉ឺងម៉ាត់» នូវសំណើប្រើប្រាស់ទ្រព្យសម្បត្តិរបស់រុស្ស៊ី ដើម្បីផ្តល់ប្រាក់កម្ចីដល់អ៊ុយក្រែន ជាសំណើនេះដែលប្រទេសបែលហ្ស៊ិកជំទាស់។

គេហទំព័រ Euractiv បានសរសេរថា៖«ភាពតានតឹង កំពុងផ្ទុះឡើងជុំវិញការបដិសេធជាបន្តបន្ទាប់របស់   បែលហ្ស៊ិកមិនសហការទៅលើផែនការរបស់សហភាពអឺរ៉ុប ក្នុងការទាញយកទ្រព្យសម្បត្តិរបស់រុស្ស៊ីដែលត្រូវបានបង្កកទាំងនោះ»។

ប្រភពមួយរបស់គេហទំព័រនេះ បាននិយាយថា៖««លោកស្រីឆ្ងល់ថាហេតុអ្វីបានជាបែលហ្ស៊ិកមានការព្រួយបារម្ភខ្លាំងម្ល៉េះ។ តើរុស្ស៊ីនឹងទៅប្តឹងតុលាការមួយណា? តើចៅក្រមណាដែលនឹងសម្រេចជំនួសរុស្ស៊ីលើករណីនេះ?»៕