ប្រធានាធិបតីអាមេរិក លោក Donald Trump បានបញ្ជាក់កាលពីថ្ងៃព្រហស្បតិ៍ ទី២៧ ខែវិច្ឆិកា ថា សមាជិកម្នាក់ក្នុងចំណោមសមាជិកពីរនាក់ នៃកងឆ្មាំជាតិសហរដ្ឋអាមេរិក ដែលត្រូវបានបាញ់ប្រហារនៅទីក្រុងវ៉ាស៊ីនតោនឌីស៊ី កាលពីថ្ងៃពុធកន្លងទៅ បានស្លាប់ហើយ។

ប្រធានាធិបតី Trump បានបន្តថា អ្នកស្លាប់នោះឈ្មោះ នាង Sarah Beckstrom វ័យ ២០ឆ្នាំ បានស្លាប់ដោយសាររបួសធ្ងន់ធ្ងរ។ សមាជិកឆ្មាំជាតិទីពីរដែលក៏ត្រូវបានបាញ់ផងដែរនោះឈ្មោះ លោក Andrew Wolfe វ័យ ២៤ឆ្នាំ។ ក្រុមមន្ត្រីបាននិយាយកាលពីថ្ងៃព្រហស្បតិ៍ដដែលថា លោក Wolfe នៅតែស្ថិតក្នុងស្ថានភាពធ្ងន់ធ្ងរ៕