ចាប់ពីថ្ងៃទី២៧ ដល់ថ្ងៃទី៣០ ខែវិច្ឆិកា ឆ្នាំ២០២៥ លោកជំទាវ ជ្រឹង បុទុមរង្សី រដ្ឋលេខាធិការ ក្រសួងការបរទេស និងសហប្រតិបត្តិការអន្តរជាតិ បានចូលរួមក្នុងកម្មវិធី Saudi Feast Food Festival នៅទីក្រុងរីយ៉ាដ ប្រទេសអារ៉ាប៊ីសាអូឌីត ខណៈដែលសៀវភៅ «កេរដំណែលស្នាដៃម្ហូបខ្មែរ» (ភាគ១ និង ភាគ២) ទទួលបានជ័យលាភី «Best of the Best - Cambodia» ពី Gourmand Awards Best of the Best ១៩៩៥-២០២៥ (៣០ឆ្នាំ)។

លោកជំទាវរដ្ឋលេខាធិការបានសង្កត់ធ្ងន់លើសារៈសំខាន់នៃការទូតអាហារសម្រាប់កម្ពុជាក្នុងការខិតខំជំរុញការងារការទូតសេដ្ឋកិច្ច។ ទន្ទឹមនេះកម្ពុជានឹងបន្តផ្សព្វផ្សាយពីវប្បធម៌ និងប្រពៃណីដ៏សម្បូរបែបរបស់ជាតិយើង សំដៅលើកស្ទួយមុខមាត់ និងកិត្យានុភាពកម្ពុជានៅលើឆាកអន្តរជាតិ៕