ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយនៅក្នុងបទសម្ភាសន៍ជាមួយទូរទស្សន៍ Nomad ថា រថយន្តអគ្គិសនីរបស់ចិន មានគុណភាពល្អ និងមានតម្លៃថោកជាងរថយន្តអឺរ៉ុបរួចទៅហើយ។ 

លោក ពូទីន បានលើកឡើងថា៖«ប្រទេសចិនផលិតរថយន្តអគ្គិសនីបានល្អជាង និងថោកជាងរថយន្ត    អឺរ៉ុប។ ឧស្សាហកម្មរថយន្តអឺរ៉ុប កំពុងរងការប៉ះពាល់ទាំងស្រុង»។

ប្រមុខរដ្ឋរុស្ស៊ី បានសង្កត់ធ្ងន់ថា ការអភិវឌ្ឍកិច្ចសហប្រតិបត្តិការរវាងរុស្ស៊ី និងអាស៊ី មិនមែនជាការផ្លាស់ប្តូរទិសដៅនៃប៉ុន្មានឆ្នាំចុងក្រោយនេះទេ ។ «ចំណុចសំខាន់ មិនមែនថា យើងធ្វើការផ្លាស់ប្តូរទិសដៅ យុទ្ធសាស្ត្រទាក់ទងនឹងការអភិវឌ្ឍនៅអ៊ុយក្រែននោះទេ។ យើងពិតជាបានចាប់ផ្តើមយកចិត្តទុកដាក់បន្ថែមទៀតចំពោះផ្នែកនេះ មិនមែនដោយសារតែយើងមានបញ្ហាណាមួយ កើតឡើងជាមួយដៃគូអឺរ៉ុបរបស់យើងនោះទេ ប៉ុន្តែដោយសារតែសេដ្ឋកិច្ចរបស់ប្រទេសនៅបូព៌ា ប្រទេសនៅតំបន់កំពុងអភិវឌ្ឍន៍សកលខាងត្បូង កំពុងអភិវឌ្ឍក្នុងល្បឿនលឿន ជាងសេដ្ឋកិច្ចរបស់ប្រទេសលោកខាងលិច»។

លោកពូទីន មេដឹកនាំរុស្ស៊ីរូបនេះ បាននិយាយថា ពុំចាំបាច់ប្រញាប់ប្រញាល់ទេ ។ លោកបានកត់សម្គាល់ថា៖«យើងគ្រាន់តែឃើញ៖ ការទិញទំនិញរបស់យើង បានកើនឡើង”។ លោក ពូទីន បានបន្ថែមថា៖«ទំនិញបែបនេះ ចាប់ផ្តើមលេចឡើង ដែលកាន់តែមានការប្រកួតប្រជែងខ្លាំងឡើង»៕