អ៊ុយក្រែន៖ ពលរដ្ឋក្នុងរដ្ឋធានីគៀវ (Kyiv) បានប្រមូលផ្ដុំគ្នានៅព្រះវិហារ St. Michael កាលពីថ្ងៃអាទិត្យបួងសួងសុំសន្តិភាព ខណៈមានការបារម្ភខ្លាំងពីការឈ្លានពានពីប្រទេសរុស្ស៊ី។ អាចារ្យនៅព្រះវិហារទូទាំងប្រទេសអ៊ុយក្រែនបានកំពុងរៀបចំពិធីបួងសួងពិសេសមួយ។ ពិធីនេះកើតឡើង ខណៈគ្រាប់ផ្លោងរាប់រយគ្រាប់បានផ្ទុះនៅតាមខ្សែបន្ទាត់ព្រំដែន សម្រាប់ការទំនាក់ទំនងរវាងទាហានអ៊ុយក្រែន និងក្រុមបំបែកខ្លួនគាំទ្រដោយរុស្ស៊ី និងស្របពេលដែលមនុស្សរាប់រយនាក់បានជម្លៀសចេញ ពីភាគខាងកើតរបស់ប្រទេសអ៊ុយក្រែន។
ការជម្លៀសនៅតែបន្តក្នុងភាគខាងកើតអ៊ុយក្រែនកាលពីថ្ងៃអាទិត្យ ដឹកនាំដោយក្រុមឧទ្ទាមដែលគ្រប់គ្រងតំបន់នេះ ជាអ្វីដែលទំនងជាផ្នែកមួយនៃកិច្ចខិតខំប្រឹងប្រែងរបស់ពួកគេ និងក្រុងមូស្គូ ដើម្បីលាបពណ៌អ៊ុយក្រែនថាជាអ្នកឈ្លានពានវិញ ក្នុងវិបត្តិដែលនៅតែបន្តរវាងប្រទេសទាំង២។ អ្នកចូលរួមពិធីបួងសួងម្នាក់បាននិយាយថា យើងបានបួងសួងនៅផ្ទះ និងទៅព្រះវិហារ ព្រោះយើងសង្ឃឹមថា ព្រះនឹងទតឃើញថា ប្រទេសអ៊ុយក្រែនសមនឹងទទួលបានសន្តិភាព និងពុំមានសង្គ្រាមទេ។ បណ្ដាមេដឹកនាំលោកខាងលិចបានព្រមានថា ប្រទេសរុស្ស៊ីត្រូវបានត្រៀមវាយប្រហារប្រទេសជិតខាងរបស់ខ្លួន ដែលព័ទ្ធជុំវិញ ៣ចំហៀងដោយទាហានរុស្ស៊ីប្រមាណ ១៥០,០០០នាក់, យន្តហោះចម្បាំង និងយុទ្ធោបករណ៍៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
