ឯកអគ្គរដ្ឋទូតរុស្ស៊ីប្រចាំប្រទេសបែលហ្ស៊ិក លោក Denis Gonchar បាននិយាយថា អង្គការណាតូ និងសហភាពអឺរ៉ុប បានចាប់ផ្តើមរៀបចំសម្រាប់សង្គ្រាមទ្រង់ទ្រាយធំមួយ ជាមួយរុស្ស៊ី ទោះបីជាវាហាក់ដូចជាចម្លែកក៏ដោយ។ 

លោកបានថ្លែងក្នុងអំឡុងពេលសន្និសីទសារព័ត៌មានរុស្ស៊ី-បេឡារុសសម្រាប់អង្គទូតនៅទីក្រុងប្រ៊ុចសែលដែលមានចំណងជើងថា«សន្តិសុខអឺរ៉ុបអាស៊ី ៖ បញ្ហាប្រឈម និងទស្សនវិស័យ»ថា៖«តាមរយៈការបំភិតបំភ័យប្រជាជនរបស់ពួកគេ ជាមួយនឹងផែនការដែលគ្រាន់តែគិតរបស់វិមានក្រឹមឡាំង ដើម្បីវាយប្រហារសមាជិកនៃសម្ព័ន្ធភាពយោធានេះ ពួកគេបានចាប់ផ្តើមរៀបចំសម្រាប់សង្គ្រាមទ្រង់ទ្រាយធំមួយ ជាមួយ    រុស្ស៊ី ទោះបីជាវាហាក់ដូចជាចម្លែកយ៉ាងណាក៏ដោយ»។

អ្នកការទូតរូបនេះ បានបន្ថែមថា៖«បណ្តាប្រទេសសហភាពអឺរ៉ុប កំពុងលើកកម្ពស់យោធាភាវូបនីយកម្មយ៉ាងខ្លាំងក្លា។ ពួកគេបានជាប់ក្នុងគំនិតនៃការបង្រួបបង្រួមអឺរ៉ុបសម្រាប់សន្តិភាព និងវិបុលភាព ដោយ       ប្រែក្លាយសហភាពអឺរ៉ុប ទៅជាឧបសម្ព័ន្ធរបស់អង្គការណាតូ។ ជាលទ្ធផល អឺរ៉ុបបានបាត់បង់ឥទ្ធិពលអន្តរជាតិ និងគុណសម្បត្តិប្រកួតប្រជែងរបស់ខ្លួនយ៉ាងឆាប់រហ័ស»។

លោកបានបន្តថា រុស្ស៊ីមិនកំពុងស្វែងរកការប្រឈមមុខដាក់គ្នាទេ ប៉ុន្តែផ្ទុយទៅវិញ “បានធ្វើការជាមួយដៃគូដែលមានគំនិតដូចគ្នា ដើម្បីបង្កើតរចនាសម្ព័ន្ធសន្តិសុខរួមនៅអឺរ៉ុបអាស៊ី»៕