នៅថ្ងៃសុក្រនេះ អង្គការសុខភាពពិភពលោក(WHO) បានចុះផ្សាយជាលើកដំបូងនូវគោលការណ៍ណែនាំ ដើម្បីធ្វើឲ្យល្អប្រសើរឡើងការបង្ការ ការរកឃើញ និងការព្យាបាលភាពគ្មានកូនដែលប៉ះពាល់ដល់មនុស្សរាប់លាននាក់នៅទូទាំងពិភពលោក ។

 អ្នកស្រី Pascale Allotey ដែលជាប្រធានផ្នែកសុខភាពផ្លូវភេទ និងសុខភាពបន្តពូជនៃទីភ្នាក់ងារសុខភាពពិភពលោកមួយនេះ និយាយថា មនុស្សម្នាក់ ក្នុងចំណោម ៦នាក់នៅលើពិភពលោកជួបបញ្ហាភាពគ្មានកូន អំឡុងជីវិតរបស់ពួកគេ ។

 អ្នកស្រីថា ស្ថានភាពនេះប៉ះពាល់ដល់បុគ្គល និងប្តីប្រពន្ធនៅទូទាំងតំបន់ទាំងអស់ ហើយនិងកម្រិតប្រាក់ចំណូល ហើយម្យ៉ាងវិញទៀត ការទទួលបានការថែទាំដែលមានសុវត្ថិភាព និងមានតម្លៃសមរម្យ នៅមិនមានសមភាពខ្ពស់នៅឡើយ ។

 អ្នកស្រី Allotey និយាយប្រាប់ក្រុមអ្នកសារព័ត៌មានថា បញ្ហាភាពគ្មានកូន ត្រូវបានគេធ្វេសប្រហែសជាយូរលង់ណាស់មកហើយ ។

 អ្នកស្រីបន្តថា គោលការណ៍ណែនាំថ្មីនេះ នឹងផ្តល់មូលដ្ឋានគ្រឹះរួបរួមផ្អែកលើភស្តុតាង ដើម្បីធានាការថែទាំមានសុវត្ថិភាព ប្រសិទ្ធិភាព និងអាចទទួលបានសម្រាប់មនុស្សគ្រប់គ្នា ។

 យោងតាមការអះអាងរបស់ WHO បានឲ្យដឹងថា ភាពគ្មានកូនគឺជាស្ថានភាពមួយនៃប្រព័ន្ធបន្តពូជបុរស និងស្ត្រី ធ្វើឲ្យស្រ្តីមិនអាចមានគត៌ ក្រោយរយៈពេល ១២ខែ ឬទំនាក់ទំនងផ្លូវភេទជាប្រចាំដោយមិនបានការពារ ៕