យោងតាមមជ្ឈមណ្ឌលគ្រប់គ្រងគ្រោះមហន្តរាយ(DMC)បានឲ្យដឹងថា ព្យុះស៊ីក្លូន Ditwah បានវាយបោកបក់ទៅភាគខាងជើងឆ្លងកាត់ប្រទេសស្រីលង្កាកាលពីថ្ងៃសុក្រ ទី ២៨ ខែវិច្ឆិកា បណ្តាលឲ្យមនុស្ស ៦៩ នាក់ស្លាប់។

យោងតាមមន្ត្រីបានឱ្យដឹងថា អ្នកស្លាប់ភាគច្រើនបណ្តាលមកពីបំណាក់ដីបង្កឡើងដោយទឹកភ្លៀងធ្លាក់ក្នុងកម្រិតជាង៣០០មីលីម៉ែត្រ នៅតំបន់ភាគខាងកើត និងភាគកណ្តាល។ យោងតាមមជ្ឈមណ្ឌលគ្រប់គ្រងគ្រោះមហន្តរាយ(DMC) មនុស្សជិត៤៤.០០០នាក់បានរងផលប៉ះពាល់នៅទូទាំងប្រទេស ហើយមនុស្សជាច្រើនបានស្វែងរកទីជ្រកកោននៅតាមសាលារៀន និងទីជម្រកសាធារណៈ។

នាយកដ្ឋានធារាសាស្ត្របានព្រមានថា ទឹកជំនន់ដែលបានធ្វើឲ្យប៉ះពាល់ដល់តំបន់រាប់មិនអស់នៅទូទាំងភាគខាងត្បូងនិងភាគខាងកើតប្រទេសស្រីលង្កា រួមទាំងផ្នែកជាច្រើននៅរដ្ឋធានី Colombo នឹងរាលដាលបន្ថែមទៀត។