រុស្ស៊ី៖ ស្ថានទូតអាមេរិកនៅក្នុងទីក្រុងមូស្គូកាលពីថ្ងៃអាទិត្យ បានចេញការព្រមានមួយដល់ពលរដ្ឋអាមេរិកនៅក្នុងប្រទេសរុស្ស៊ី អំពីការគំរាមនៃការវាយប្រហារនៅក្នុងតំបន់ជាយក្រុង ដោយប្រាប់ពួកគេឲ្យចៀសវាងទៅកាន់កន្លែងដែលមានការប្រមូលផ្ដុំមនុស្សច្រើន។
ស្ថានទូតអាមេរិកបាននិយាយនៅក្នុងការព្រមានផ្នែកសន្តិសុខថា យោងតាមប្រភពនានាពីប្រព័ន្ធផ្សព្វផ្សាយមានការគំរាមវាយប្រហារមួយចំនួនលើផ្សារទំនើប ផ្លូវដែក និងស្ថានីយរថភ្លើងក្រោមដី និងនៅទីប្រជុំជនសាធារណៈផ្សេងទៀតនៅក្នុងតំបន់ជាយក្រុងសំខាន់ៗ។ រួមទាំងទីក្រុងមូស្គូ និងសេនភីធ័រស្ប៊ក ព្រមទាំងនៅក្នុងតំបន់មួយចំនួនដែលមានភាពតានតឹងខ្លាំង នៅតាមព្រំដែនរបស់រុស្ស៊ីជាមួយអ៊ុយក្រែន។ ការព្រមានពីផ្នែកសន្តិសុខបានប្រាប់ពលរដ្ឋអាមេរិក ឲ្យកាន់អត្តសញ្ញាណប័ណ្ណឲ្យបានត្រឹមត្រូវរួមទាំងលិខិតឆ្លងដែនអាមេរិក និងទិដ្ឋាការរុស្ស៊ីបច្ចុប្បន្ន ដើម្បីបញ្ជាក់ពីគោលដៅនានាដែលអ្នកទេសចរណ៍ ឬពលរដ្ឋលោកខាងលិចដែលធ្វើដំណើរទៅ និងដើម្បីរៀបចំផែនការជម្លៀសដែលមិនពឹងផ្អែកលើជំនួយពីរដ្ឋាភិបាលអាមេរិក។ យ៉ាងណាក៏ដោយ សហរដ្ឋអាមេរិកបាននឹងកំពុងជំរុញដល់ពលរដ្ឋអាមេរិក នៅក្នុងប្រទេសអ៊ុយក្រែនឲ្យចាកចេញរួចទៅហើយ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
