អ៊ីរ៉ង់៖ ទីភ្នាក់ងារសារព័ត៌មានផ្លូវការ IRNA របស់ប្រទេសអ៊ីរ៉ង់បានរាយការណ៍ថា ក្រុមតំណាងរាស្ត្រអ៊ីរ៉ង់បានដាក់ចេញលក្ខខណ្ឌចំនួន ៦ សម្រាប់ស្រោចស្រង់កិច្ចព្រមព្រៀងនុយក្លេអ៊ែរអ៊ីរ៉ង់ឆ្នាំ២០១៥ ជាមួយមហាអំណាចពិភពលោក ក្នុងលិខិតមួយច្បាប់ផ្ញើជូនលោកប្រធានាធិបតី Ebrahim Raisi ដែលបានចេញផ្សាយកាលពីថ្ងៃអាទិត្យ។
លិខិតដែលត្រូវបានចុះហត្ថលេខាដោយសមាជិកសភាចំនួន ២៥០នាក់ក្នុងចំណោមសមាជិកសរុបចំនួន ២៩០នាក់បានបញ្ជាក់ថា ភាគីសហរដ្ឋអាមេរិក និងអឺរ៉ុបគួរតែធានាថា ពួកគេនឹងដើរចេញពីកិច្ចព្រមព្រៀងដែលបានស្ដារឡើងវិញ ហើយក៏មិនបង្កឲ្យមានយន្តការចាស់ក្រោមការដាក់ទណ្ឌកម្មលើអ៊ីរ៉ង់ដែលនឹងត្រូវបានស្ដារឡើងវិញភ្លាមៗ ប្រសិនបើខ្លួនបានបំពានការអនុវត្តកិច្ចព្រមព្រៀងនុយក្លេអ៊ែរ។ សភាដឹកនាំដោយក្រុមប្រកាន់តឹងមិនបានបោះឆ្នោតលើលក្ខខណ្ឌនានាដែលបានស្នើនោះទេ ហើយមេដឹកនាំកំពូលលោក Ayatollah Ali Khamenei ដែលរីករាយក្នុងការគាំទ្រដល់ក្រុមប្រកាន់តឹង ទីបំផុតបាននិយាយពីស្ថានភាពពាក់ព័ន្ធនឹងគោលនយោបាយនុយក្លេអ៊ែររបស់អ៊ីរ៉ង់ និងបញ្ហាផ្សេងៗទៀត។
ក្រុមសមាជិកសភាបាននិយាយក្នុងលិខិតនោះថា យើងត្រូវតែរៀនសូត្រមេរៀនពីបទពិសោធន៍ចាស់ៗ និងកំណត់បន្ទាត់ក្រហមលើផលប្រយោជន៍ជាតិ កុំចង់បានកិច្ចព្រមព្រៀងណាមួយដោយគ្មានការធានាជាចាំបាច់ជាមុនឲ្យសោះ។ យោងតាមមន្ត្រីជាន់ខ្ពស់សហភាពអឺរ៉ុប សេចក្ដីថ្លែងការណ៍នេះមានឡើងស្របពេលដំណាក់កាលចុងក្រោយ ក្នុងការស្រោចស្រង់កិច្ចព្រមព្រៀងនុយក្លេអ៊ែរក្នុងទីក្រុងវីយែន ប្រទេសអូទ្រីស ដែលអាចនឹងដឹកនាំឲ្យមានកិច្ចព្រមព្រៀងមួយក្នុងពេលឆាប់ៗនេះ៕
អត្ថបទ៖ សុខមាន
ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
ទូរស័ព្ទ:(+855)61 999 877
