ចំនួនករណីផ្តាសាយធំនៅក្នុងប្រទេសជប៉ុនកំពុងកើនឡើងលឿនជាងឆ្នាំមុន ដោយកុមាររងផលប៉ះពាល់ខ្លាំងបំផុត។ វិទ្យាស្ថានសន្តិសុខសុខភាពរបស់ប្រទេសជប៉ុននិយាយថា ករណីផ្តាសាយធំចំនួន ១៩៦.៨៩៥ករណី ត្រូវបានរាយការណ៍ដោយស្ថាប័នវេជ្ជសាស្ត្រប្រហែល៣.០០០កន្លែង។

ចំនួនករណីជាមធ្យមក្នុងមួយស្ថាប័នវេជ្ជសាស្ត្របានឈានដល់ ៥១.១២ករណី។ កម្រិតនេះ បានឈានដល់ប្រហែលមួយខែមុន ឆ្នាំមុន។ ក្រសួងសុខាភិបាលនិយាយថា ក្នុងអំឡុងសប្តាហ៍រហូតដល់ថ្ងៃទី៩ ខែវិច្ឆិកា ប្រហែល៨០ ភាគរយនៃករណីផ្តាសាយធំចំនួន ៨៤.១៨៣ ករណីពាក់ព័ន្ធនឹងអ្នកដែលមានអាយុក្រោម ២០ ឆ្នាំ។

លោក Saito Akihiko ប្រធានផ្នែកជំងឺឆ្លងកុមារនិងជាសាស្ត្រាចារ្យមន្ទីពេទ្យកុមារនៅសាកលវិទ្យាល័យ Niigata និយាយថា បន្ទប់របស់កុមារនៅមន្ទីរពេទ្យមួយចំនួននៅទីក្រុងតូក្យូ និងខេត្ត Saitama ខ្វះគ្រែដោយសារតែចំនួនកុមារដែលមានជំងឺផ្តាសាយធំកើនឡើងត្រូវបានបញ្ជូនទៅមន្ទីរពេទ្យ។ អ្នកមួយចំនួនបានវិវត្តទៅជាជំងឺរលាកខួរក្បាល ហើយស្ថិតក្នុងស្ថានភាពធ្ងន់ធ្ងរ។

លោក Saito កំពុងអំពាវនាវដល់សាលារៀននានាឱ្យរៀបចំឲ្យមានខ្យល់ចេញចូលក្នុងថ្នាក់រៀន និងឱ្យប្រជាជនពាក់ម៉ាស់នៅកន្លែងដែលមានមនុស្សច្រើន លាងដៃឱ្យបានញឹកញាប់ និងចាក់វ៉ាក់សាំង ដើម្បីការពារជំងឺផ្តាសាយធំពីការវិវត្តទៅជាជំងឺធ្ងន់ធ្ងរ។