រដ្ឋមន្រ្តីការបរទេសទួរគីលោក Hakan Fidan និយាយកាលពីថ្ងៃអាទិត្យថា អ៊ីស្រាអែលបង្កការគំរាមកំហែងសន្តិសុខចម្បងដល់តំបន់មជ្ឈិមបូព៌ា ដោយរូបលោកចោទប្រកាន់ពួកគេថាព្យាយាធ្វើឲ្យអស្ថិរភាពដល់តំបន់តាមរយៈគោលនយោបាយវាទទីនិយមរបស់ពួកគេ ។

ថ្លែងនៅក្នុងសន្និសីទសារព័ត៌មានរួមគ្នានៅទីក្រុងតេអេរ៉ង់ជាមួយសមភាគីអ៊ីរ៉ង់លោក Abbas Araghchi លោក Fidan និយាយថា គោលបំណងសំខាន់ គឺត្រូវរក្សាបទឈប់បាញ់នៅតំបន់ហ្កាហ្សា ហើយនិងឆ្ពោះទៅកាន់ដំណាក់កាលបន្ទាប់ ។

 លោកបន្តថា ទួរគី និងអ៊ីរ៉ង់ គឹជាប្រទេសរឹងមាំចំនួន ២នៅក្នុងតំបន់ ហើយពួកយើងឆ្លៀតយកឱកាសនេះ ដើម្បីពិភាក្សាលើបញ្ហាក្នុងតំបន់ ។ ជាបឋម និងសំខាន់បំផុត ប៉ាឡេស្ទីន និងហ្កាហ្សា ក៏ដូចជាស៊ីរី លីបង់ ការវាទទីនិយមរបស់អ៊ីស្រាអែល កិច្ចចរចានុយក្លេអ៊ែរកំពុងបន្ត ហើយនិងភាពតានតឹងរវាងប៉ាគីស្ថាន និងអាហ្វហ្គានីស្ថាន ពួកយើងបានពិភាក្សាលើបញ្ហាទាំងអស់នេះ ។

 លោក Fidan និយាយទៀតថា ដូចជាប្រទេសទាំងអស់នៅក្នុងតំបន់ដែរ ពួកយើងឯកភាពផងដែរថា ការវាទទីនិយមក្នុងតំបន់របស់អ៊ីស្រាអែល គឺជាការគំរាមកំហែងសន្តិសុខលេខ ១ ចំពោះតំបន់របស់ពួកយើង ។ គោលបំណងរបស់ពួកយើង គឺបទឈប់បាញ់នៅតំបន់ហ្កាហ្សា ដែលត្រូវសម្រេចឲ្យបានតាមរយៈកិច្ចខិតខំដ៏អស្ចារ្យ ដើម្បីបន្តឆ្ពោះទៅកាន់ដំណាក់កាលបន្ទាប់ ។

 ក្រសួងសុខាភិបាលហ្កាហ្សា និយាយថា ការទម្លាក់គ្រាប់បែករបស់អ៊ីស្រាអែល បង្កឡើងដោយសារការវាយប្រហារថ្ងៃទី ៧ ខែតុលា ឆ្នាំ ២០២៣របស់ក្រុមហាម៉ាសលើអ៊ីស្រាអែល ធ្វើឲ្យតំបន់មួយនេះក្លាយជាអគារបាក់បែក ហើយនិងសម្លាប់មនុស្សជាង ៧ម៉ឺននាក់ ៕