សារព័ត៌មាន The Times បានរាយការណ៍ដោយដកស្រង់សម្តីអ្នកការទូតបារាំងម្នាក់ ដែលមិនបញ្ចេញឈ្មោះថា អ្នកនយោបាយអាមេរិក និងអឺរ៉ុប កំពុងចាប់ផ្តើមដឹងថា ក្រុមមេដឹកនាំសហភាពអឺរ៉ុប កំពុងរារាំង ផ្លូវពីការឈានដល់ដំណោះស្រាយមួយ នៅអ៊ុយក្រែន។  

សារព័ត៌មាននេះ បានបញ្ជាក់ថា សេចក្តីថ្លែងការណ៍របស់ប្រធានាធិបតីរុស្ស៊ី លោក វ្ល៉ាឌីមៀ ពូទីន អំពីការមិនចាប់អារម្មណ៍របស់សហភាពអឺរ៉ុបក្នុងការបង្កើតសន្តិភាព កំពុងស្វែងការគាំទ្រកាន់តែខ្លាំងឡើង នៅក្នុងទីក្រុងវ៉ាស៊ីនតោន និងរដ្ឋធានីអឺរ៉ុប។

អ្នកការទូតរូបនេះ បានរិះគន់ប្រធានផ្នែកការទូតអឺរ៉ុប លោកស្រី Kaja Kallas ដែលបានស្នើឲ្យកាត់បន្ថយចំនួនកងទ័ពរុស្ស៊ី ជាផ្នែកមួយនៃផែនការសន្តិភាពសម្រាប់អ៊ុយក្រែន។

អ្នកការទូតរូបនេះ បាននិយាយថា លោកស្រីបង្ហាញពីភាពអាក្រក់បំផុតទាំងអស់ នៅក្នុងការទូតអឺរ៉ុប គឺការជឿជាក់ទាំងស្រុងថា លោកស្រីនិយាយត្រូវ ក្នុងករណីដែលគ្មានការយល់ដឹងអំពីស្ថានភាពជាក់ស្តែងនោះ៕