​រុស្ស៊ី៖ លោក Vladimir Putin បាន​បញ្ជា​ឲ្យ​ទាហាន​រុស្ស៊ី​រក្សា​សន្តិភាព​នៅ​ក្នុង​តំបន់​ផ្ដាច់ខ្លួន​ចំនួន​ ២ ​ក្នុង​ប្រទេស​អ៊ុយ​ក្រែ​ន​ភាគ​ខាងកើត ប៉ុន្មាន​ម៉ោង​បន្ទាប់ពី​លោក​ប្រធានាធិបតី​រុស្ស៊ីទទួលស្គាល់​តំបន់ Donetsk និងតំបន់ Luhansk ជា​តំបន់​ឯករាជ្យ​។ ​នៅក្នុង​ក្រឹត្យ​ផ្លូវការ​ចំនួន ​២ កាលពី​ថ្ងៃ​ចន្ទលោក Putin បាន​ណែនាំដល់​ក្រសួងការពារជាតិរបស់​ប្រទេស​នេះ​ ឲ្យ​ចាប់ផ្ដើម​តួនាទី​រក្សា​សន្តិភាព​នៅក្នុង​តំបន់​នានា​ភាគ​ខាងកើត​។

​នៅក្នុង​សុន្ទរកថាផ្សាយ​តាម​ទូរទស្សន៍កាលពីពេល​ថ្មីៗ​នេះលោក Putin បាន​និយាយថា លោកចាត់ទុកថា វា​ចាំបាច់​ណាស់​ក្នុងការ​សម្រេចចិត្តដែលថា​ គួរតែ​ធ្វើ​តាំងពី​យូរ​មកហើយដើម្បី​ទទួលស្គាល់​ភ្លាមៗនូវ​ឯករាជ្យភាព និង​អធិបតេយ្យភាព​របស់​សាធារណរដ្ឋ​ប្រជាមានិត Donetsk និងសាធារណរដ្ឋ​ប្រជាមានិត Luhansk​។ ​លោកខាងលិច​បាន​ព្រមាន​ជាថ្មី​ទៀតថា រុស្ស៊ីមិនត្រូវ​ទទួលស្គាល់​តំបន់​ផ្ដាច់ខ្លួន​ក្នុង​តំបន់ Donetsk និង ​Luhansk ទេ ជា​សកម្មភាព​មួយ​ដែល​ជាន់ពន្លិច​យ៉ាងខ្លាំង ដល់​ដំណើរការ​សន្តិសុខ​ដ៏​ផុយស្រួយ​នៅក្នុង​តំបន់​នេះ​។ ​ការប្រកាស​របស់លោក Putin បាន​ត្រួស​ត្រាយផ្លូវសម្រាប់​រុស្ស៊ីក្នុងការ​បញ្ជូន​កងទ័ព និង​អាវុធដោយ​បើកចំហរ​ចូលទៅ​កាន់​តំបន់​ដែល​កំពុងមាន​ជម្លោះ​រ៉ាំ​រៃ ជាទី​ដែល​កងកម្លាំង​អ៊ុយ​ក្រែ​ន​កំពុង​វាយ​ទប់​ទល់នឹង​ក្រុម​ឧទ្ទាម​គាំទ្រ​ដោយ​ទីក្រុងមូស្គូ៕

អត្ថបទ៖ សុខមាន