ប្រភពព័ត៌មានផ្នែកឧស្សាហកម្មបាននិយាយកាលពីថ្ងៃចន្ទ ទី១ ខែធ្នូ ថា ក្រុមហ៊ុន Airbus បានរកឃើញបញ្ហាគុណភាពឧស្សាហកម្មដែលប៉ះពាល់ដល់បន្ទះតួយន្តហោះនៃយន្តហោះគ្រួសារ A320 រាប់សិបគ្រឿង។ ប្រភពព័ត៌មានទាំងនោះបានស្នើសុំមិនបញ្ចេញឈ្មោះថា កំហុសផលិតកម្មដែលសង្ស័យកំពុងពន្យារពេលការដឹកជញ្ជូនយន្តហោះមួយចំនួន ប៉ុន្តែពុំមានសូចនាករភ្លាមៗថាវាបានឈានទៅដល់យន្តហោះដែលកំពុងដំណើរការនោះទេ។

ក្រុមហ៊ុន Airbus ពុំបានធ្វើការអត្ថាធិប្បាយភ្លាមៗទេ។ ប្រភពដើមនៃបញ្ហានេះ ពុំអាចកំណត់អត្តសញ្ញាណបានភ្លាមៗនៅឡើយ ដោយវាបានលេចចេញ ខណៈក្រុមហ៊ុន Airbus កំពុងបង្កើនកិច្ចខិតខំប្រឹងប្រែងដើម្បីបំពេញគោលដៅដឹកជញ្ជូនដ៏លំបាកសម្រាប់ឆ្នាំនេះ ហើយក៏ត្រូវបានរំខានដោយការប្រមូលយន្តហោះមកវិញកាលពីចុងសប្តាហ៍ដោយសារតែភាពខ្វះចន្លោះក្នុងកម្មវិធី Software ។

មនុស្សម្នាក់ដែលដឹងផ្ទាល់អំពីបញ្ហាបាននិយាយថា ការដឹកជញ្ជូនយន្តហោះមួយចំនួនកំពុងរងផលប៉ះពាល់រួចហើយ ប៉ុន្តែពុំមានការបញ្ជាក់ភ្លាមៗអំពីចំនួននិងរយៈពេលប៉ុន្មាននោះទេ។

ប្រភពព័ត៌មានពីឧស្សាហកម្មបាននិយាយថា ក្រុមហ៊ុនផលិតយន្តហោះ បានដឹកជញ្ជូនយន្តហោះចំនួន៧២គ្រឿងកាលពីខែវិច្ឆិកា តិចជាងអ្វីដែលអ្នកវិភាគជាច្រើនបានរំពឹងទុកកាលពីពេលមុន ហើយនាំឱ្យចំនួនសរុបក្នុងឆ្នាំនេះរហូតដល់ពេលនេះមានចំនួនដល់៦៥៧គ្រឿង។