ប្រមុខការទូតអឺរ៉ុប លោកស្រី Kaja Kallas បានថ្លែងនៅក្នុងសន្និសីទសារព័ត៌មានមួយ បន្ទាប់ពីកិច្ចប្រជុំរដ្ឋមន្ត្រីការពារជាតិសហភាពអឺរ៉ុប(EU)ថា សហភាពអឺរ៉ុបបានចំណាយប្រាក់ជាង ១៨៧ ពាន់លានអឺរ៉ូរួចហើយ ដើម្បីគាំទ្រអ៊ុយក្រែន។ 

លោកស្រីបានអះអាងថា៖«អឺរ៉ុបបានផ្តល់ប្រាក់ជាង ១៨៧ ពាន់លានអឺរ៉ូរួចហើយ សម្រាប់អ៊ុយក្រែន គឺច្រើនជាងអ្នកណាៗទាំងអស់»។

លោកស្រី Kallas បានអំពាវនាវឲ្យមានការបង្កើនមូលនិធិសម្រាប់អ៊ុយក្រែន ដោយលើកឡើងថា វានឹងជួយអ៊ុយក្រែននៅលើសមរភូមិ ហើយ «អ៊ុយក្រែនកាន់តែរឹងមាំនៅលើសមរភូមិ ពោលគឺពួកគេកាន់តែរឹងមាំ នៅពីក្រោយសកម្មភាពជាយុទ្ធសាស្ត្រ»៕