សេចក្តីថ្លែងការណ៍របស់ទីភ្នាក់ងារIAEAបាននិយាយថា សន្និសីទអន្តរជាតិស្តីពីគ្រាអាសន្ននុយក្លេអ៊ែរ និងវិទ្យុសកម្ម បានចាប់ផ្តើមកាលពីថ្ងៃចន្ទ ដោយផ្តោតសំខាន់លើការបង្កើនការត្រៀមលក្ខណៈ និងការឆ្លើយតបគ្រាអាសន្ន។

រៀបចំដោយទីភ្នាក់ងារថាមពលអាតូមិកអន្តរជាតិ(IAEA) សហការជាមួយគណៈកម្មការនិយ័តកម្មនុយក្លេអ៊ែរនិងវិទ្យុសកម្មរបស់ប្រទេសអារ៉ាប៊ីសាអ៊ូឌីត (NRRC) ព្រឹត្តិការណ៍រយៈពេល៤ថ្ងៃនេះបានជួបប្រជុំអ្នកចូលរួមជាង៤៥០នាក់មកពីប្រទេសជាង១០០និងអង្គការអន្តរជាតិចំនួន៤។

អ្នកជំនាញ អ្នកឆ្លើយតបគ្រាអាសន្ន និយ័តករ និងអ្នកជំនាញបច្ចេកទេស នឹងចែករំលែកបទពិសោធន៍ បង្ហាញការស្រាវជ្រាវថ្មីៗ ព្រមទាំងពិភាក្សាអំពីវិធានការជាក់ស្តែងដើម្បីពង្រឹងការត្រៀមលក្ខណៈ និងការឆ្លើយតបក្នុងគ្រាអាសន្ននុយក្លេអ៊ែរ និងវិទ្យុសកម្មសកល។

លោក Rafael Grossi អគ្គនាយកទីភ្នាក់ងារ IAEA បាននិយាយថា សុវត្ថិភាព សន្តិសុខ និងការឆ្លើយតបក្នុងគ្រាអាសន្ននុយក្លេអ៊ែរត្រូវតែធ្វើមុនគេ ហើយត្រូវតែមានទំនុកចិត្តនិងមានតម្លាភាព»។

សន្និសីទនេះមានកិច្ចប្រជុំពេញអង្គ ការបង្រៀនចំណុចសំខាន់ៗ និងការថ្លែងនៅតុមូលដែលលើកឡើងពីប្រធានបទក្នុងកិច្ចសហប្រតិបត្តិការសកល រួមទាំងការប្រើប្រាស់បញ្ញាសិប្បនិមិត្ម(AI) ក្នុងការឆ្លើយតបគ្រាអាសន្ន ការធ្វើការសម្រេចចិត្តក្រោមភាពមិនប្រាកដប្រជា ការបង្កើនការត្រៀមលក្ខណៈតាមរយៈសមយុទ្ធ និងការរៀបចំផែនការសម្រាប់ម៉ាស៊ីនរ៉េអាក់ទ័របណ្តែតទឹក និងចល័ត។