អាជ្ញាធរប៉ាឡេស្ទីនកាលពីថ្ងៃចន្ទ បានទទួលជំនួយចំនួន ៩០ លានដុល្លារ ពីប្រទេសអារ៉ាប៊ីសាអ៊ូឌីត ដែលជាផ្នែកមួយនៃការគាំទ្ររបស់ព្រះរាជាណាចក្រនេះចំពោះរដ្ឋបាលប៉ាឡេស្ទីន។

លោក Estephan Salameh រដ្ឋមន្ត្រីក្រសួងផែនការ និងសហប្រតិបត្តិការអន្តរជាតិ និងជារដ្ឋមន្ត្រីក្រសួងហិរញ្ញវត្ថុស្តីទី បានទទួលជំនួយនៅទីស្នាក់ការកណ្តាលស្ថានទូតអារ៉ាប៊ីសាអ៊ូឌីត នៅទីក្រុងអាម៉ាន់ ក្នុងអំឡុងពេលជួបជាមួយឯកអគ្គរាជទូតអារ៉ាប៊ីសាអ៊ូឌីតប្រចាំប្រទេសហ្ស៊កដានី និងជាបេសកជនមិនមែន ប្រចាំនៅប៉ាឡេស្ទីន ព្រះអង្គម្ចាស់ Mansour bin Khalid bin Farhan Al-Saud។

យោងតាមទីភ្នាក់ងារសារព័ត៌មាន Wafa បានឲ្យដឹងថា ព្រះអង្គម្ចាស់ Mansour បានសរសើរអារ៉ាប៊ីសា  អ៊ូឌីតសម្រាប់ការគាំទ្រផ្នែកហិរញ្ញវត្ថុ និងនយោបាយរបស់ខ្លួនចំពោះសិទ្ធិរបស់ប្រជាជនប៉ាឡេស្ទីន និង  ការបង្កើតរដ្ឋឯករាជ្យមួយ។

ព្រះអង្គម្ចាស់ Mansour បានគូសបញ្ជាក់ពីកិច្ចខិតខំប្រឹងប្រែងរបស់ប្រទេសអារ៉ាប៊ីសាអ៊ូឌីត ក្នុងនាមជា  សហប្រធាន រួមជាមួយប្រទេសបារាំងនៃសន្និសីទអន្តរជាតិកម្រិតខ្ពស់ នៅទីក្រុងញូវយ៉ក ដែលបានគាំទ្របុព្វហេតុប៉ាឡេស្ទីន និងការអនុវត្តដំណោះស្រាយរដ្ឋពីរ។

ក្នុងអំឡុងពេលសន្និសីទខែកញ្ញា ប្រទេសជាច្រើនបានទទួលស្គាល់រដ្ឋប៉ាឡេស្ទីន ក្នុងនោះមានចក្រភពអង់គ្លេស បារាំង អូស្ត្រាលី និងកាណាដា៕