យោងតាមទិន្នន័យតាមដានឧបទ្ទេវហេតុ បានឲ្យឹងថា សហរដ្ឋអាមេរិកមើលឃើញចំនួនសម្លាប់ទ្រង់ទ្រាយធំទាបបំផុតក្នុងរយៈពេល ២ទសវត្សរ៍កន្លងមកនេះ នៅឆ្នាំ ២០២៥ ។

ទីភ្នាក់ងារព័ត៌មាន AP ដែលរក្សាទិន្នន័យជាមួយទីភ្នាក់ងារព័ត៌មាន USA Today និងសាកលវិទ្យាល័យ Northeastern រាយការណ៍នៅថ្ងៃអង្គារនេះថា ការបាញ់ប្រហារកាលពីពេលថ្មីៗនេះ ក្នុងពិធីជួបជុំគ្រួសារនៅទីក្រុង Stockton រដ្ឋ California បណ្តាលឲ្យមនុស្សស្លាប់ ៤នាក់ គឺជាករណីសម្លាប់ទ្រង់ទ្រាយធំលើកទី ១៧ ក្នុងឆ្នាំនេះ ។

ស្របពេលដែលតួលេខអាចនឹងកើនឡើងក្នុងខែធ្នូរ វាគឺជាការធ្លាក់ចុះជិត ៥៩ភាគរយពីឆ្នាំ ២០១៩ ពេលដែលករណីសម្លាប់ទ្រង់ទ្រាយធំជាប់កំណត់ត្រា ៤១លើក បានកើតឡើង ។

ទិន្នន័យនេះ ប្រើប្រាស់របាយការណ៍របស់នគរបាល និងក្រុម FBI អត្ថបទសារព័ត៌មាន និងកំណត់ហេតុតុលាការ ដើម្បីតាមដានការសម្លាប់ទ្រង់ទ្រាយធំ ជាការកំណត់ឧបទ្ទេវហេតុមនុស្ស ៤នាក់ ឬច្រើនជាងនេះ ត្រូវបានសម្លាប់ដោយចេតនានៅក្នុងរយៈពេល ២៤ម៉ោង ដោយពុំរាប់បញ្ចូល ជនល្មើស ។

លោក James Alan Fox គឺជាអ្នកជំនាញខាងឧក្រិដ្ឋកម្មនៅសាកលវិទ្យាល័យ Northeastern ដែលគ្រប់គ្រងទិន្នន័យនេះ និយាយប្រាប់ APថា ចំនួនមនុស្សត្រូវសម្លាប់ក្នុងឆ្នាំ ២០២៥ បានធ្លាក់ចុះប្រហែល ២៤ភាគរយ ធៀបនឹងឆ្នាំ ២០២៤ ដែលបានធ្លាក់ចុះប្រហែល ២០ភាគរយផងដែរ ធៀបនឹងឆ្នាំ ២០២៣ ៕