ក្រុមបាតុករជាជនជាតិបារាំងពាន់នាក់បានដើរក្បួនពាសពេញកណ្តាលទីក្រុងប៉ារីសកាលពីថ្ងៃអង្គាទី ២ ធ្នូសប្ដាហ៍នេះ ដើម្បីប្រឆាំងនូវអ្វីដែលពួកគេហៅថានយោបាយរឹតត្បិត របស់រដ្ឋាភិបាលបារាំង ដោយទាមទារឱ្យមានការចំណាយបន្ថែមលើកម្មវិធីសង្គម និងប្រាក់ឈ្នួលខ្ពស់ជាងមុន ខណៈក្រុមសមាជិកសភា ជជែកដេញដោលអំពីថវិកាសន្តិសុខសង្គម។  

ក្រុមមេដឹកនាំសហជីពមកពីអង្គការការងារចំនួនបីរបស់ប្រទេសបារាំងបានដឹកនាំការតវ៉ា ខណៈផ្ទាំងបដាបានអំពាវនាវឱ្យមានកញ្ចប់ថវិកាសម្រាប់វឌ្ឍនភាពសង្គម និងបានព្រមានប្រឆាំងនឹងការកាត់បន្ថយការថែទាំសុខភាព ប្រាក់សោធននិវត្តន៍ និងប្រាក់ខែ។

លោកស្រី Sophie Binet ប្រធានសហជីព CGT បានប្រាប់អ្នកយកព័ត៌មាននៅឯការជួបជុំថា អ្វីៗគឺសាមញ្ញណាស់។ ពួកគេត្រូវការឱ្យរដ្ឋាភិបាល និងសមាជិកសភាស្តាប់ពួកគេ។កម្មករបានបង់ថ្លៃរួចហើយ។ វាមិនមែនដោយសារតែពួកគេទេដែលបង្កឲ្យឱនភាពផ្ទុះឡើងនោះ ។ វាដោយសារតែការផ្ដល់ដល់ក្រុមនាយកប្រតិបត្តិ និងមហាសេដ្ឋី។ ដូច្នេះវាអាស្រ័យលើពួកគេក្នុងការបង់ប្រាក់ មិនមែនពួកលោកស្រីទេ។ 

ការតវ៉ានេះបានកើតឡើងខណៈរដ្ឋសភាបានបន្តការជជែកពិភាក្សាលើសេចក្តីព្រាងច្បាប់ហិរញ្ញប្បទានសន្តិសុខសង្គមឆ្នាំ ២០២៥ ជាអត្ថបទដែលត្រូវបានធ្វើវិសោធនកម្មយ៉ាងហ្មត់ចត់ដោយព្រឹទ្ធសភា   បន្ទាប់ពីបដិសេធវិធានការសំខាន់មួយដើម្បីផ្អាកកំណែទម្រង់ប្រាក់សោធននិវត្តន៍ឆ្នាំ ២០២៣ ដ៏ចម្រូងចម្រាស។ រដ្ឋាភិបាលសង្ឃឹមថានឹងធានាបាននូវការសម្របសម្រួលជាមួយគណបក្សប្រឆាំងមុនពេលការបោះឆ្នោតចុងក្រោយនៅថ្ងៃទី ៩ ខែធ្នូ៕