ក្រុមមន្ត្រីនៅក្នុងប្រទេសឥណ្ឌូនេស៊ី និងប្រទេសស្រីលង្កា បានខំប្រឹងប្រែងនៅថ្ងៃពុធ ទី ៣ ខែធ្នូនេះ ដើម្បីបានទៅដល់អ្នករស់រានពីគ្រោះទឹកជំនន់ដ៏មហន្តរាយនៅតំបន់ដាច់ស្រយាល និងតំបន់ដែលត្រូវបានកាត់ផ្តាច់ ខណៈចំនួនអ្នកស្លាប់ដោយគ្រោះមហន្តរាយដែលបានវាយប្រហារប្រទេសចំនួនបួនបានកើនលើសពី១.៣០០នាក់។ នៅក្នុងប្រទេសឥណ្ឌូនេស៊ី ការខកចិត្តកើនឡើងកាន់តែខ្លាំង ក្នុងចំណោមអ្នករស់រានពីគ្រោះទឹកជំនន់ដ៏មហន្តរាយនិងបំណាក់ដី ជុំវិញល្បឿននៃកិច្ចខិតខំប្រឹងប្រែងជួយសង្គ្រោះ និងការផ្តល់ជំនួយ។

ភ្លៀងមូសុងរួមផ្សំជាមួយនឹងប្រព័ន្ធព្យុះត្រូពិកដ៏កម្រ ដែលត្រូវបានគេដឹងនៅក្នុងតំបន់ថា ជាព្យុះស៊ីក្លូន បានបង្កទឹកជន់លិចខ្លាំងបំផុតនៅទូទាំងប្រទេសស្រីលង្កា និងផ្នែកមួយចំនួនៅកោះស៊ូម៉ាត្រារបស់ប្រទេសឥណ្ឌូនេស៊ី នៅភាគខាងត្បូងប្រទេសថៃ និងភាគខាងជើងប្រទេសម៉ាឡេស៊ី កាលពីសប្តាហ៍កន្លងទៅនេះ។

នៅក្នុងប្រទេសឥណ្ឌូនេស៊ី ចំនួនអ្នកស្លាប់បានកើនឡើងដល់៧៥៣នាក់នៅថ្ងៃពុធនេះ ហើយចំនួនអ្នកបាត់ខ្លួនក៏បានកើនឡើងដល់៦៥០នាក់។

ក្រុមមនុស្សធម៌សង្ឃឹមថានឹងបញ្ជូនសម្ភារៈអនាម័យ និងទឹក ទាំងមកពីទីក្រុងហ្សាកាតានិងក្នុងស្រុក។ លោកបាននិយាយថា របាយការណ៍អំពីកង្វះស្បៀងអាហារ និងទឹក គឺជាការ «ព្រួយបារម្ភខ្លាំង» រួចទៅហើយ។