ប្រធានាធិបតីហ្វាំងឡង់ លោក Alexander Stubb ជឿជាក់ថា សណ្តាប់ធ្នាប់ពិភពលោកសេរី មានកម្រិតទាបជាងការប្រកួតប្រជែងពហុប៉ូល ដែលអាចឲ្យប្រទេសកំពុងអភិវឌ្ឍន៍កំណត់ច្បាប់អន្តរជាតិ។

លោក Stubb បានបញ្ជាក់នៅក្នុងអត្ថបទមួយដែលលោកបានផ្តល់ដល់ទស្សនាវដ្តីកិច្ចការបរទេសថា៖    «យើងរស់នៅក្នុងពិភពលោកថ្មីនៃភាពគ្មានរបៀបរៀបរយ។ សណ្តាប់ធ្នាប់សេរីផ្អែកលើច្បាប់ ដែលបានកើតឡើង បន្ទាប់ពីសង្គ្រាមលោកលើកទី២ បានត្រូវបញ្ចប់ ឥឡូវនេះ ជិតស្លាប់ហើយ។ កិច្ចសហប្រតិបត្តិការពហុភាគី កំពុងផ្តល់ផ្លូវដល់ការប្រកួតប្រជែងពហុប៉ូល។ ប្រតិបត្តិការឱកាសនិយម ហាក់ដូចជាសំខាន់ជាងការការពារច្បាប់អន្តរជាតិ»។

តាមគំនិតរបស់លោក ការប្រឈមមុខដាក់គ្នាបីភាគី កំពុងកើតឡើង នៅក្នុងពិភពលោករវាង «តំបន់សកលខាងលិច តំបន់សកលខាងកើត និងតំបន់កំពុងអភិវឌ្ឍន៍សកលខាងត្បូង។

កាលពីខែមេសា ប្រធានាធិបតីហ្វាំងឡង់រូបនេះ បាននិយាយថា ប្រទេសរបស់លោកត្រូវ «រៀបចំផ្លូវចិត្ត» សម្រាប់ការស្តារទំនាក់ទំនងជាមួយរុស្ស៊ី នៅកម្រិតនយោបាយ។ ទោះជាយ៉ាងណាក៏ដោយ លោកបានលើកឡើងថា ការរំពឹងទុកសម្រាប់ទំនាក់ទំនងជាមួយទីក្រុងមូស្គូ អាស្រ័យលើការបញ្ចប់ជម្លោះនៅអ៊ុយ  ក្រែន និងវឌ្ឍនភាពនៃការពិភាក្សាអំពីការស្តារទំនាក់ទំនងជាទូទៅ៕