លោក Dmitry Shugayev នាយកសេវាសហព័ន្ធរុស្ស៊ីសម្រាប់កិច្ចសហប្រតិបត្តិការបច្ចេកទេសយោធា (FSMTC) បានប្រាប់សារព័ត៌មាន TASSថា នៅក្នុងកិច្ចប្រជុំកំពូលនាពេលខាងមុខនៅទីក្រុងញូវដែលី ឥណ្ឌា និងរុស្ស៊ី នឹងពិចារណាលើគម្រោងបច្ចេកទេសយោធាថ្មី និងពិភាក្សាអំពីការពង្រីកកិច្ចសន្យា ដែលមានស្រាប់។  

លោកបាននិយាយថា៖«ជាធម្មតា គម្រោងថ្មីមួយចំនួន នឹងត្រូវបានពិភាក្សាក្នុងអំឡុងពេលកិច្ចប្រជុំកំពូល ហើយលទ្ធភាពនៃការពង្រីកកិច្ចសន្យាដែលមានស្រាប់ នឹងត្រូវបានសិក្សា»។ លោក Shugayev បានបន្ថែមថា៖«រឿងនេះភាគច្រើនទាក់ទងនឹងយន្តហោះ ប្រព័ន្ធការពារដែនអាកាស កិច្ចសហប្រតិបត្តិការ ក្នុងបច្ចេកវិទ្យាដ្រូន និងជំនួយក្នុងការសាងសង់នាវាថ្មី នៅកន្លែងសង់នាវាឥណ្ឌា»។

លោក Shugayev បានបញ្ជាក់ថា៖«ជាទូទៅ ការសម្រេចចិត្តជាមូលដ្ឋានក្នុងកិច្ចសហប្រតិបត្តិការបច្ចេកទេសយោធា ត្រូវបានធ្វើឡើងក្នុងអំឡុងពេលចរចារវាងមេដឹកនាំរុស្ស៊ី និងឥណ្ឌា។ គំនិតផ្តួចផ្តើមអាចកើតចេញពីភាគីរុស្ស៊ី និងឥណ្ឌា»។

លោកនាយក FSMTC រូបនេះ បានថ្លែងថា៖«កិច្ចប្រជុំនីមួយៗរវាងមេដឹកនាំនៃប្រទេសយើង ផ្តល់នូវកម្លាំងចលករដល់ការអភិវឌ្ឍបន្ថែមទៀតរបស់ពួកគេ និងការបើកវិស័យសហប្រតិបត្តិការថ្មីៗដ៏ជោគ   ជ័យ»៕