រូបយន្តសុនខជើង ៤ នឹងជួយក្រុមអ្នកវិទ្យាសាស្រ្តបង្កើតផែនទី 3D របស់ព្រៃឈើអឺរ៉ុប ។ ពេលដែលវាដើរកាត់ស្លឹក និងដើរឆ្លងកាត់ដីមិនរាបស្មើ វានឹងរួមចំណែកក្នុងបេសកកម្ម ដើម្បីធ្វើឲ្យព្រៃឈើប្រកបដោយនិរន្តរភាពជាងមុន មួយជំហានម្តងៗ ។

ក្រុមអ្នកស្រាវជ្រាវនៅវិទ្យាស្ថានរូបយន្ត Oxford រួមចំណែកក្នុងគម្រោង DigiForest ។ វាគឺជាគម្រោងដែលប្រើប្រាស់បច្ចេកវិទ្យាថ្មី ដើម្បីជួយគ្រប់គ្រង និងការពារព្រៃឈើ ។

លោក Maurice Fallon គឺជាអ្នកស្រាវជ្រាវដឹកនាំគម្រោងមួយនេះ និយាយថា រូបយន្តសុនខ អាចធ្វើដំណើរបានឆ្ងាយ ពេលដែលវាជួយពួកយើងគូរផែនទីព្រៃឈើ ។

លោកថា ឧបករណ៍ចាប់សញ្ញា(Sensor) ដែលពួកយើងប្រើប្រាស់គឺ Sensor ឡាស៊ែរ គឺជា Sensor ប្រភេទតែមួយប្រើប្រាស់ជាមួយរថយន្តបើកដោយស្វ័យប្រវត្តិ ។

លោក Maurice បន្តថា ដូច្នេះហើយវាអាចវាស់ប្រវែងពីដើមឈើមួយទៅដើមឈើមួយ ហើយពួកយើងអាចបង្កើតឡើងវិញនូវស៊ីឡាំងរបស់ដើមឈើ និងវាស់អង្កត់ផ្ចិតរបស់វា វាស់កម្ពស់របស់វា ហើយនិងបង្កើតជាទិន្នន័យគ្រឹះសម្រាប់សុខភាពព្រៃឈើ ។

អ្នកស្រី Fallon និយាយទៀតថា រូបយន្តសុនខ អាចគូរផែនទីកន្លែងដែលការអន្តរាគមន៍ដើមឈើ ត្រូវការ ដូចជាទីដែលដើមឈើរអាចត្រូវការកាប់ ដើម្បីការពារព្រៃឈើពីស្ថានភាពអាកាសធាតុអាក្រក់ ។

សូមបញ្ជាក់ថា គម្រោង DigiForest ត្រូវបានផ្តល់ហិរញ្ញប្បទានដោយកម្មវិធីស្រាវជ្រាវ Horizon Europe របស់សហភាពអឺរ៉ុប ដែលគាំទ្រកិច្ចខិតខំព្រៃឈើប្រកបដោយនិរន្តរភាព ៕